جاڭا جۇيە بويىنشا قاناتقاقتى جوباعا قاتىسۋشىلار ءوز جۇمىستارىنىڭ ساپاسىنا بايلانىستى كوبىرەك تابىس تابۋعا مۇمكىندىك الدى. بۇل رەتتە ءبىر كۇندىك ورتاشا كورسەتكىشتى, ياعني 90 قوڭىراۋ قابىلداعانى ءۇشىن ەڭ تومەنگى جالاقى مولشەرى بەلگىلەنگەن. ورتاشا كورسەتكىشتەن جوعارى كەلەسى ءاربىر قوڭىراۋ ءۇشىن تولەم قوسىلىپ وتىرادى.
«ەگەر بۇرىن بايلانىس ورتالىعىنىڭ وپەراتورلارى 90 مىڭ تەڭگە جالاقى الاتىن بولسا, جاڭا جۇيە بويىنشا ولاردىڭ ەكى ەسە كوپ تابىس تابۋ مۇمكىندىگى بار. جاڭا جۇيە بويىنشا ەڭ جوعارعى جالاقى مولشەرى سالىق شەگەرىمدەرىمەن قوسا العاندا 170 مىڭ تەڭگەنى قۇرايدى. قاناتقاقتى جوبانىڭ ءبىرىنشى ايىنىڭ قورىتىندىسى بويىنشا 106 وپەراتوردىڭ 61-ءى ەڭ جوعارى دەڭگەيگە جەتتى, ال تاعى 25 ادام ءنورماتيۆىن ورىنداپ, جوعارى جالاقى الدى. ءبىز جاڭا جۇيەنىڭ العاشقى ناتيجەلەرىن كورىپ وتىرمىز – «پيلوتقا» قاتىساتىن وپەراتورلاردىڭ ورتاشا ەڭبەك ونىمدىلىگى 114%-عا ءوستى. ەگەر بۇرىن ءبىر وپەراتور كۇنىنە 62 قوڭىراۋ قابىلداسا, قازىر –133 قوڭىراۋ. قاناتقاقتى جوبا ءالى دە جالعاسىپ جاتىر», دەدى مەملەكەتتىك كورپوراتسيانىڭ باسقارما توراعاسى ءادىل قوجىقوۆ.
2021 جىلعى 1 ساۋىردەن باستاپ 1414 بىرىڭعاي بايلانىس ورتالىعى «ۇلتتىق اقپاراتتىق تەحنولوگيالار» اق-نان «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قاراماعىنا ءوتتى. قىزمەتكەرلەردىڭ جۇكتەمەسىن ازايتۋ ءۇشىن پەتروپاۆل, كوكشەتاۋ, قىزىلوردا جانە قوستاناي قالالارىندا بىرىڭعاي بايلانىس ورتالىعىنىڭ قوسىمشا كەڭسەلەرى اشىلدى. وپەراتورلاردىڭ جۇمىس بارىسىنا ونلاين-مونيتورينگ جۇرگىزىلدى, داۋىستىق روبوتتىڭ جۇمىسى جاڭارتىلدى, ومنيكانالدىق پلاتفورما ەنگىزىلدى, وپەراتورلارعا قوسىمشا وقىتۋ جۇرگىزىلدى.
حالىققا قىزمەت كورسەتۋ ورتالىقتارى جانە eGov.kz ەلەكتروندى پورتالى ارقىلى مەملەكەتتىك قىزمەتتەردى الۋ ماسەلەلەرى بويىنشا بايلانىس ورتالىعىنا اي سايىن 1,5 ملن قوڭىراۋ كەلىپ تۇسەدى. 1 شىلدەدەن باستاپ 1414 بايلانىس ورتالىعى الەۋمەتتىك-ەڭبەك سالاسى بويىنشا قوڭىراۋلار قابىلداي باستادى. بۇرىن وسى ماسەلەلەر بويىنشا 1411 قىسقا نومىرىنە حابارلاسۋ قاجەت بولاتىن.
«ەگەمەن-اقپارات»
