ازاماتتىق باستامالاردى قولداۋ ورتالىعىنىڭ ءباسپاسوز حاتشىسى ساكەن قۇبىشەۆتىڭ ايتۋىنشا, بۇل وڭىردەگى توعىز جوبانىڭ ەكەۋى – شاعىن گرانتتار بايقاۋىنىڭ جەڭىمپازدارى. ولار اۋىلدا باستامالاردى ىسكە اسىرۋعا جانە دامىتۋعا 500 مىڭ تەڭگە الدى. ساراپتاما كوميسسياسى 433 ءوتىنىمنىڭ ىشىنەن كونكۋرس شارتتارىنا ساي كەلەتىن ۇزدىك 60 جوبانى ىرىكتەپ الدى.
قازالى اۋدانى, ايتەكە بي اۋىلىنداعى «شاپاعات» قوعامدىق بىرلەستىگى وسى ۇيىمدا تاربيەلەنىپ جاتقان مۇگەدەك بالالاردى سەنسورلىق ينتەگراتسيالاۋدى ۇسىندى. ولارمەن تاۋلىك بويى ءۇش توپ جۇمىس ىستەيدى – ەدش ماماندارى, نەۆروپاتولوگ, پسيحولوگ, دەفەكتولوگ جانە لوگوپەد. ۇەۇ باسشىسى شىناركول جەڭسىكباەۆانىڭ ايتۋىنشا, كونكۋرستا جەڭىپ العان 500 مىڭ تەڭگە سەنسورلىق جابدىقتى ساتىپ الۋعا جۇمسالدى:
ء«بىز 90 ادامدى قامتۋدى جوسپارلاپ وتىرمىز. بۇل – 3 جاستان 18 جاسقا دەيىنگى بالالار جانە ولاردىڭ اتا-انالارى», دەيدى ول.
جالاعاش اۋدانىنىڭ جاڭاتالاپ اۋىلىندا تۇراتىن باستاماشىل توپتىڭ بەلسەندىسى جانارىس تۇبەكباەۆ اۋىل جاستارىنىڭ قارجىلىق ساۋاتتىلىعى تۋرالى وي قوزعادى. ول گرانتتىق قاراجاتتى بەينە ساباقتاردى ءتۇسىرۋ جانە ولاردى www.kbh-finance.kz سايتىندا ورنالاستىرۋ جۇمىستارىن ازىرلەۋگە جۇمسايمىز دەپ شەشكەنىن, سونداي-اق بارلىق اتقارىلاتىن شارالاردى ويلاستىرا وتىرىپ, اۋىلدىق جەرلەردەن كەلگەن 600 بالا مەن ءجاسوسپىرىمدى قامتۋعا دايىن ەكەنىن جەتكىزدى.
«جوبانىڭ بارلىق قاتىسۋشىلارى قورىتىندى ساۋالداما مەن تەستىلەۋدەن وتەدى. ۇزدىك كورسەتكىشتەرى بار وقۋشىلار ينۆەستيتسيالىق ساۋاتتىلىقتى ودان ءارى دامىتۋعا مۇمكىندىك الادى», دەيدى ول.
سونىمەن قاتار جانارىس تۋبەكباەۆتىڭ جوسپارىندا اۋىلداعى الەۋمەتتىك وسال توپتارىنا جاتاتىن ادامداردىڭ ءوز بوس ۋاقىتىن ۇتىمدى پايدالانۋعا ۇيرەتۋ; وتباسىلىق ءومىردىڭ ەكونوميكالىق مودەلىن قۇرۋعا دايىنداۋ; ولاردى الاياقتار مەن قۇمار ويىنداردىڭ اسەرىنەن قورعاۋ ماسەلەلەرى دە بار.
ايتا كەتەيىك, «اۋىلدا ازاماتتىق باستامالاردى دامىتۋعا باعىتتالعان ءىس-شارالار كەشەنىن ۇيىمداستىرۋ» رەسپۋبليكالىق جوباسى اقتوبە وبلىسىنىڭ ۇەۇ قاۋىمداستىعى ازاماتتىق باستامالاردى قولداۋ ورتالىعى مەن اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلۋدا.
«ەگەمەن-اقپارات»
