ساياسات • 26 تامىز، 2021

ءاربىر الەۋمەتتىك ماسەلە – باستى نازاردا

89 رەت كورسەتىلدى

سەنات دەپۋتاتى نۇرلان قىلىشباەۆ الماتى وبلىسى سارقان اۋدانىنا ساپارى بارىسىندا «جۇمىسپەن قامتۋدىڭ جول كارتاسى-2020» مەملەكەتتىك باعدارلاماسى اياسىندا جۇرگىزىلگەن مادەنيەت سارايىنا باردى.

سونداي-اق سەناتور اۋىل شارۋاشىلىعى سالا­سىن­داعى قوردالانعان ماسەلەلەرگە نازار اۋداردى. ودان بولەك، دەپۋتات اۋىل تۇرعىندارىمەن كەزدەستى. كەزدەسۋ بارىسىندا بىرقاتار ماسەلە كوتەرىلدى. نەگىزگى پروبلەمالاردىڭ ءبىرى – تازا اۋىز سۋعا قول جەتكىزۋدەگى قيىندىقتار. تۇرعىنداردى تىڭداعان نۇرلان قىلىشباەۆ اۋدان باسشىلىعىنىڭ نازارىن وسى ماسەلەنى شەشۋ قاجەتتىگىنە اۋدارىپ، بۇل تۇيتكىلدى ءوز باقىلاۋىندا ۇستايتىنىن جەتكىزدى.

* * *

ءماجىلىستىڭ ۆيتسە-سپيكەرى پاۆەل كازانتسەۆ پەن وسى پالاتانىڭ دەپۋتاتى باۋىرجان سارتباەۆ Nur Otan پارتياسى قالالىق فيليالىنىڭ سايلاۋالدى باعدارلاماسىنىڭ جول كارتاسى اياسىندا ەلوردادا سالىنعان 1200 ورىندىق مەكتەپتىڭ دايىندىعىمەن تانىستى. بۇل مەكتەپ ءوز جۇمىسىن جاڭا وقۋ جىلىنان باستايدى. 2020 جىلدىڭ قاڭتار ايىندا باستالعان مەكتەپ قۇرىلىسى قازىرگى ۋاقىتتا 95%-عا دايىن. مەكتەپ باسشىلىعىنىڭ ايتۋىنشا، تامىز ايىنىڭ سوڭىنا دەيىن بارلىق پاندىك سىنىپتار تولىق جابدىقتالادى. ۆيتسە-سپيكەر ءوز سوزىندە بالالارعا ينكليۋزيۆتى زاڭ دەڭگەيىندە قولداۋ كورسەتىلگەنىن ايتىپ، جالپى مەكتەپ قۇرىلىسى كەزىندە ەرەكشە قاجەتتىلىكتەرى بار بالالار ءۇشىن جاعدايدى جوبا دەڭگەيىندە ەسكەرۋ قاجەتتىگىنە توقتالدى.

* * *

ءماجىلىس دەپۋتاتتارى مالىك قۇلشار مەن سنەجاننا يماشەۆا باتىس قازاقستان وبلىسىندا الدىمەن تۇرعىندار مەن جاستار اراسىنداعى جۇمىسسىزدىق ماسەلەسىنە دەن قويدى. پارتيانىڭ سايلاۋالدى باعدارلاماسىن جۇزەگە اسىرۋعا ارنالعان جول كارتاسىنىڭ ورىندالۋىمەن قاتار، اتالعان ماسەلەنى شەشۋدە وزىندىك ىقپالى بار كەڭسە مەن ۇيگە ارنالعان ءىرى كورپۋستىق جيھازدى قۇراستىرۋشى «كۆانت» جشس فابريكاسىنىڭ جۇمىسىمەن جانە قىزمەتكەرلەردىڭ جاعدايلارىمەن تانىستى.

«كۆانت» جشس جيھاز فابريكاسى شامامەن قۇنى
2 ملرد تەڭگە بولاتىن جاڭا تسەح اشىپ، 22 مىڭداي ءونىم ءتۇرىن ءوندىرىپ، جاڭا جۇمىس ورىندارىنىڭ پايدا بولۋى­نا ىقپال ەتۋدە. كاسىپورىن 2015 جىلى  «بيزنەستىڭ جول كارتاسى-2020» باعدارلاماسى اياسىندا ىسكە قوسىلعان. ەكسپورتتالاتىن ونىمدەردىڭ نەگىزگى بولىگى ارمەنياعا، قىرعىزستانعا جانە رەسەيگە جەتكىزىلەدى.  

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار