پرەمەر-ءمينيستردىڭ تاپسىرماسى بويىنشا ەپيدەميالىق جاعدايدىڭ تۇراقتانۋىنا بايلانىستى ۆاك كارانتين رەجىمىن جەڭىلدەتۋگە قاتىستى بىرقاتار شەشىمدى ماقۇلدادى. بىرىنشىدەن, 2021 جىلعى 28 تامىزدان باستاپ, Ashyq جوباسىنا قاتىساتىن بارلىق بيزنەس وبەكتىسىنە دەمالىس كۇندەرى ساعات 24.00-گە دەيىن, Ashyq جوباسىنىڭ كوشباسشىلارىنا – Ashyq قوسىمشاسى ارقىلى راستالعان قىزمەتكەرلەر مەن كەلۋشىلەردىڭ «جاسىل مارتەبەسى» (ۆاكتسينا العاندار, 7 كۇننەن كەم ەمەس تەرىس ناتيجەسى بار پتر تەستىنىڭ بولۋى) بولعان جاعدايدا ساعات 02.00-گە دەيىن جۇمىس ىستەۋىنە رۇقسات; سەنبى كۇنى – قوعامدىق كولىك قىزمەتىنە رۇقسات بەرىلەدى. ەكىنشىدەن, وسى جىلعى 30 تامىزدان باستاپ جۇمىس كۇندەرى: Ashyq جوباسىنا قاتىساتىن بارلىق بيزنەس وبەكتىلەرىنىڭ جۇمىس ۋاقىتى 22.00-دەن 24.00-گە دەيىن, Ashyq جوباسى كوشباسشىلارىنىڭ جۇمىس ۋاقىتى 24.00-دەن 02.00-گە دەيىن ۇزارتىلدى. بۇل رەتتە ەپيدەميالىق جاعدايدى ەسكەرە وتىرىپ, الماتى قالاسىندا كارانتيندىك شارالاردىڭ جەڭىلدەتىلۋىن دەمالىس كۇندەرىنە بيىلعى 4 قىركۇيەكتەن باستاپ, ال جۇمىس كۇندەرىنە بيىلعى 6 قىركۇيەكتەن باستاپ ەنگىزۋ جوسپارلا-
نۋدا.
سونداي-اق ۆاك-تا جاڭا وقۋ جىلىنا دايىندىق ماسەلەسى قارالدى. پرەمەر-ءمينيستردىڭ ورىنباسارى وسى جىلعى تامىز ايىنىڭ سوڭىنا دەيىن ورىنداۋ ءۇشىن كەلەسى تاپسىرمالاردى بەردى: مەديتسينالىق قارسى كورسەتىلىمدەرى بار ادامداردى قوسپاعاندا, پەداگوگتەر مەن تەحنيكالىق پەرسونالدى ۆاكتسينالاۋدى اياقتاۋ; سانيتارلىق تالاپتارعا سايكەس مەكتەپتەردىڭ تولىق دايىندىعىن قامتاماسىز ەتۋ; پەداگوگتەر, قىزمەتكەرلەر جانە اتا-انالار ءۇشىن بارلىق ءبىلىم بەرۋ ۇيىمدارىندا Ashyq جۇيەسىنىڭ جۇمىسىن قامتاماسىز ەتۋ; ءبىلىم بەرۋ ۇيىمدارىن وقۋلىقتارمەن, وقۋ-ادىستەمەلىك كەشەندەرمەن 100% قامتاماسىز ەتۋ بويىنشا شارالار قابىلداۋ; مەكتەپتەردە كۇردەلى جانە اعىمداعى جوندەۋ جۇمىستارىن اياقتاۋ.
ۆاك وتىرىسىندا پرەمەر-ءمينيستردىڭ ورىنباسارى باسقا دا بىرقاتار تاپسىرما بەردى.
