قورعانىس ۆەدومستۆوسىنىڭ باسشىسى كونكۋرستارعا قاتىسۋشىلار الدىندا سويلەگەن سوزىندە ارميالىق حالىقارالىق ويىنداردى وتكىزۋ اۋقىمى ءىرى الەمدىك بىرىنشىلىكپەن ءبىر دەڭگەيدە ەكەنىن اتاپ ءوتتى.
«ارميالىق ويىندارداعى سايىستار – بۇل نىسانانى زاقىمداۋدا دالدىك پەن مەرگەندىكتى, ءارتۇرلى قارۋدى مەڭگەرۋدە شەبەرلىكتى, ءمىنسىز دەنە دايىندىعى مەن توزىمدىلىكتى, اسكەري تەحنيكانى باسقارۋداعى سەنىمدى داعدىلاردى كورسەتۋ. ارميا ويىندارى اسكەري قىزمەتشىلەردى بەيتانىس جەردە, پسيحوەموتسيونالدىق شيەلەنىس جاعدايىندا ارەكەت ەتۋگە ماجبۇرلەۋمەن دە قىزىقتى», دەپ اتاپ ءوتتى قورعانىس ءمينيسترى.
جەتى جىل ىشىندە ارميالىق حالىقارالىق ويىندارعا قاتىسۋشى ەلدەردىڭ سانى 17 مەملەكەتتەن 44-كە دەيىن ەكى ەسەدەن اسا ارتتى. كونكۋرستاردىڭ بارلىق كەزەڭى قازىرگى زامانعى شىنايى ۇرىس جاعدايىنا بارىنشا جاقىنداتىلعان.
ارميالىق ويىنداردىڭ جاۋىنگەرلىك ماشىقتى ارتتىرۋداعى ماڭىزىن اتاپ وتكەن گەنەرال-لەيتەنانت نۇرلان ەرمەكباەۆ:
اسكەري قىزمەتشىلەر وقۋ-جاتتىعۋ پوليگوندارىندا ناقتى جانە ۇيلەسىمدى ارەكەت ەتسە, وندا ولاردىڭ كەمىندە 80%-ءى جاۋىنگەرلىك جاعدايدا دا ءدال وسىلاي ارەكەت ەتەتىنىن ءوز ءىسىن جەتە مەڭگەرگەن كاسىبي اسكەريلەر جاقسى بىلەدى, دەدى.
بيىل جامبىل وبلىسىنداعى 40-ىنشى اسكەري بازانىڭ اۋماعىندا ارميالىق ويىنداردىڭ 2 كونكۋرسى – مينااتقىشتار ەسەپ توپتارى اراسىنداعى «ارتيللەريادان وق اتۋ شەبەرى» جانە ۇۇا ماماندارىنىڭ «سۇڭقار اڭشىلىعى» سايىستارى وتەدى. قازاقستان جاۋىنگەرلەرى اسكەري سايىستاردا ءاردايىم جوعارى ناتيجەلەر كورسەتىپ, وسى كونكۋرستاردا ۇدايى الدا بولىپ كەلەدى.
ويىندارعا قاتىسۋ ءۇشىن «ماتىبۇلاق» پوليگونىنا 8 ەلدەن ارتيللەريستەر جانە 4 مەملەكەت ارمياسىنان ۇشقىشسىز ۇشۋ اپپاراتتارىنىڭ ەسەپتوپتارى كەلدى. كونكۋرستارعا 3 ەلدەن كەلگەن وكىلدەر باقىلاۋشى رەتىندە قاتىسادى.
«اسكەري قىزمەتشىلەر ۇرىس دالاسىندا ەمەس, سپورت سايىستارىندا كۇش سىناسۋى پروگرەسسيۆتى جول. قازاقستاندىق ارميا ەلدىڭ ەگەمەندىگى مەن قاۋىپسىزدىگىن قورعاۋعا قابىلەتتى دەپ نىق سەنىممەن ايتا الامىن. اگرەسسوردىڭ الەۋەتى وتە قۋاتتى, زاماناۋي اسكەرى بولعاننىڭ وزىندە, ءتۇرلى تۇراقتى ەمەس اسكەريلەندىرىلگەن قۇرامالاردى ايتپاعاندا, كەم دەگەندە ايقىن, اۋىر اسيممەتريالىق سوققى بەرۋگە قابىلەتتىمىز. دايارلىقتى جوعارى دەڭگەيدە ۇستاۋ ءۇشىن ۇدايى جاتتىعامىز. ءارى قازاقستاندىق ارميا جۇيەلى تۇردە جەتىلدىرىلۋدە», دەدى قورىتىندى سوزىندە گەنەرال-لەيتەنانت نۇرلان ەرمەكباەۆ.
ەل اۋماعىندا ءوتىپ جاتقان ارميالىق حالىقارالىق ويىندار اعىمداعى جىلعى 2 قىركۇيەككە دەيىن جالعاسادى.
