ء«بىز راقىمشىلىق ەنگىزدىك جانە قاتەلىك جىبەرگەندەردى قىلمىستىق جاۋاپكەرشىلىككە تارتپايمىز. پاسپورتتى ساتىپ العاندار ۆاكتسيناتسيالاۋ ورتالىعىنا بارىپ, مويىنداپ, ەكپە الۋى كەرەك. ەڭ باستىسى, ولار قاتەلەسكەندەرىن ءتۇسىندى. ۆاكتسيناتسيا بارلىعى ءۇشىن اقىسىز. ءبىزدىڭ مىندەت ادامداردى جازالاۋ ەمەس. ساتىپ العاندار ارەكەتىنىڭ سەبەبىن ءتۇسىندىرۋى كەرەك», دەدى جانداربەك بەكشين.
الماتى قالالىق قوعامدىق دەنساۋلىق ساقتاۋ باسقارماسى باستىعىنىڭ ورىنباسارى سۆەتلانا سۇلتانعازيەۆا دارىگەرلەردىڭ راقىمشىلىق جاساۋ تۋرالى باستامانى قولدايتىنىن ايتتى.
«قانشا ازامات ۆاكتسينا تولقۇجاتىن ساتىپ العانىن بىلمەيمىز. ءبىز راقىمشىلىق جاساۋ يدەياسىن قولدايمىز. ناۋقاستى ەمدەگەننەن, وعان ۆاكتسينا سالعان دۇرىس», دەدى ول.
