ساتىبالديەۆ وراز ساتىبالدى ۇلى ق.ي.ساتباەۆ اتىنداعى قازاق ۇلتتىق عىلىمي-تەحنيكالىق ۋنيۆەرسيتەتىنىڭ ماتەماتيكا كافەدراسىنىڭ مەڭگەرۋشىسى, فيزيكا-ماتەماتيكا عىلىمدارىنىڭ كانديداتى, پەداگوگيكا عىلىمدارىنىڭ دوكتورى, پروفەسسور, حالىقارالىق اقپاراتتاندىرۋ اكادەمياسىنىڭ اكادەميگى بولىپ جۇمىس ىستەدى. «قازاقستان رەسپۋبليكاسىنىڭ عىلىمىن دامىتۋداعى ەڭبەگى ءۇشىن» مەدالىنىڭ يەگەرى.
ول پەداگوگيكالىق, ەكونوميكالىق جانە تەحنيكالىق ماماندىق ستۋدەنتتەرىنە ارنالعان ەكى مونوگرافيا, وننان استام وقۋلىق پەن جيىرمادان استام وقۋ-ادىستەمەلىك قۇرالداردى قوسقاندا, ءجۇز وتىز بەستەن استام وقۋ, وقۋ-ادىستەمەلىك جانە عىلىمي جۇمىستاردىڭ اۆتورى. ءوزىنىڭ تاجىريبەسىن, ءبىلىمىن, عىلىمي ەرۋديتسياسىن, شىعارماشىلىق يدەيالارىن اسپيرانتتار مەن ستۋدەنتتەرگە جومارتتىقپەن جەتكىزدى. عىلىمي جەتەكشى جانە كانديداتتىق, دوكتورلىق ديسسەرتاتسيالاردىڭ كەڭەسشىسى بولدى. ونىڭ جەتەكشىلىگىمەن بەس كانديداتتىق جانە ءبىر دوكتورلىق ديسسەرتاتسيا قورعالدى.
و.س.ساتىبالديەۆ عىلىمي-پەداگوگيكالىق قىزمەتتى ۇلكەن قوعامدىق جانە عىلىمي ۇيىمداستىرۋشىلىق جۇمىسىمەن تابىستى ۇشتاستىرا ءبىلدى. قر ءبىلىم جانە عىلىم مينيسترلىگى ءبىلىم جانە عىلىم سالاسىنداعى قاداعالاۋ جانە سەرتيفيكاتتاۋ كوميتەتىنىڭ پسيحولوگيا جانە پەداگوگيكا جونىندەگى ساراپتامالىق كەڭەسىنىڭ مۇشەسى بولدى.
2007 جىلعى «جوعارى وقۋ ورنىنىڭ ۇزدىك وقىتۋشىسى» مەملەكەتتىك گرانتىنىڭ يەگەرى اتاندى.
قر ءبىلىم جانە عىلىم مينيسترلىگى ءبىلىم جانە عىلىم سالاسىنداعى قاداعالاۋ جانە سەرتيفيكاتتاۋ كوميتەتىنىڭ پسيحولوگيا جانە پەداگوگيكا بويىنشا ساراپتامالىق كەڭەسىنىڭ مۇشەسى بولدى.
