– اتىراۋ مەن ماڭعىستاۋ – ەجەلدەن قوڭسى قونعان, توسكەيدە مالى قوسىلعان وڭىرلەر. بۇرىن ءبىر وبلىستىڭ قۇرامىندا دا بولدى. تابيعاتى دا, ەكونوميكاسى دا ءبىر-بىرىنە ۇقساس. الايدا بيىل كورشىلەس ماڭعىستاۋداعى قۋاڭشىلىق ءتورت ت ۇلىككە قيىن بولىپ تۇر. بۇل ءبىزدىڭ دە جانىمىزعا باتتى. سول سەبەپتەن, ءبىزدىڭ اۋىلدىڭ ازاماتتارى ماڭعىستاۋلىقتارعا كومەك رەتىندە 30 توننا وراما ءشوپ جىبەرۋگە باستاما كوتەرگەن ەدى. ءبىزدىڭ بۇل باستامامىزعا اۋداننىڭ, اۋىلدىق وكرۋگتىڭ اكىمدەرى قولداۋ ءبىلدىردى, – دەيدى اۋىل تۇرعىنى جەڭىس ءابىلحايىروۆ.
ونىڭ ايتۋىنشا, وراما ءشوپتى دايىنداۋعا ماقاش اۋىلدىق وكرۋگىنىڭ جالعاس سيمون مەن ەسبولات قۇباشەۆ باستاعان 40-تان استام تۇرعىنى, «ماقاش» وندىرىستىك كووپەراتيۆى, ءۇش شارۋا قوجالىعى اتسالىستى. ولار 25 كۇندە ارقايسىسىنىڭ سالماعى 300 كەلىنى قۇرايتىن 100 وراما ءشوپ دايىنداپ, كورشى وبلىسقا جىبەردى.
اتىراۋ وبلىسى
