قازاقستان • 24 تامىز، 2021

ەلىمىزدىڭ 9 وڭىرىندە داۋىلدى ەسكەرتۋ جاريالاندى

696 رەت كورسەتىلدى

رەسپۋبليكانىڭ توعىز وڭىرىندە داۋىلدى ەسكەرتۋ جاريالاندى، دەپ حابارلايدى Egemen.kz قازگيدرومەتكە سىلتەمە جاساپ.

«قازگيدرومەت» رمك اقپاراتى بويىنشا، 25 تامىزدا اقمولا وبلىسىنىڭ شىعىسىندا نايزاعاي كۇتىلەدى. كۇندىز وبلىستىڭ باتىسى مەن شىعىسىندا 15-20 م/س جەل سوعادى.

اقتوبە وبلىسىندا 37 گرادۋس قاتتى ىستىق كۇتىلەدى، توتەنشە ءورت قاۋپى ساقتالادى.

اتىراۋ وبلىسىنىڭ وڭتۇستىك-شىعىسىندا نايزاعاي، وڭتۇستىك-باتىستان، باتىستان 15-20 م/س جىلدامدىقپەن جەل سوعادى، كۇندىز 36 گرادۋس ىستىق ساقتالادى. وبلىستىڭ شىعىسىندا توتەنشە ءورت قاۋپى ساقتالادى.

باتىس قازاقستان وبلىسىنىڭ سولتۇستىگىندە، سولتۇستىك-باتىسىندا نايزاعاي كۇتىلەدى. كۇندىز 36 گرادۋس قاتتى ىستىق كۇتىلەدى. توتەنشە ءورت قاۋپى بار.

قاراعاندى وبلىسىنىڭ سولتۇستىگىندە، شىعىسىندا، باتىسىندا سولتۇستىك-شىعىستان جەل سوعادى، ەكپىنى 15-20 م/س جەتەدى. وبلىستىڭ وڭتۇستىك-باتىسىندا توتەنشە ءورت قاۋپى ساقتالادى.

قوستاناي وبلىسىنىڭ سولتۇستىگىندە، سولتۇستىك-باتىسىندا نايزاعاي كۇتىلەدى. شىعىستان سوققان جەل، كۇن كۇركىرەگەن كەزدە ەكپىنى 15-20 م/س. كۇندىز باسىم بولىگىندە 37 گرادۋس قاتتى ىستىق ساقتالادى. وبلىستىڭ ورتالىعىندا، وڭتۇستىگىندە جانە باتىسىندا توتەنشە ءورت قاۋپى ەسكەرتىلەدى.

قىزىلوردا وبلىسىندا توتەنشە ءورت قاۋپى ساقتالادى.

ماڭعىستاۋ وبلىسىنىڭ باتىسىندا، سولتۇستىك-باتىسىندا نايزاعاي كۇتىلەدى. كۇندىز وبلىستىڭ وڭتۇستىگىندە 38 گرادۋس قاتتى ىستىق بولادى.

25 تامىزدا كۇندىز سولتۇستىك قازاقستان وبلىسىنىڭ سولتۇستىك-شىعىسىندا نايزاعاي كۇتىلەدى. شىعىس جەل كۇندىز وبلىستىڭ وڭتۇستىك-شىعىسىندا 15-20 م/س، كۇندىز 25 تامىزدا 35 گرادۋس قاتتى ىستىق كۇتىلەدى. وبلىستىڭ وڭتۇستىك-باتىسىندا توتەنشە ءورت قاۋپى ساقتالادى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار