«الەمدە كوروناۆيرۋستىق ينفەكتسيانىڭ 213 ميلليوننان استام جاعدايى تىركەلدى, تاۋلىگىنە 480 مىڭنان استام ادامنىڭ ۆيرۋس جۇقتىرعانى انىقتالدى, 4,4 ميلليوننان استام ادام قايتىس بولدى. ددسۇ-نىڭ 6 ايماعىنىڭ تورتەۋىندە شىلدە ايىنىڭ ەكىنشى ونكۇندىگىنەن باستاپ اۋرۋشاڭدىقتىڭ ءوسۋ تەندەنتسياسى بايقالدى. سوڭعى اپتادا ءازىربايجاندا ناۋقاس سانى كوبەيدى, وندا ءبىر اپتا ىشىندە اۋرۋشاڭدىق 63%-عا ءوستى, جاپونيادا - 34%, يزرايلدە - 33%. قازاقستاندا اپتالىق ءوسىم 7%-عا تومەندەدى», دەدى الەكسەي تسوي ۇكىمەت وتىرىسىندا.
ونىڭ ايتۋىنشا, اۋرۋشاڭدىق پەن ءولىم كورسەتكىشى 1 ميلليون تۇرعىنعا شاققانداعى الەمدىك رەيتينگتە قازاقستان 222 ەلدىڭ ىشىندە 101-ورىندا.
«24 تامىزداعى مالىمەت بويىنشا, قازاقستاندا 747 851 ناۋقاس تىركەلدى, Covid-19 وڭ ناتيجەسىمەن جانە 67 870 ادامنان كۆي انىقتالدى. تۇركىستان وبلىسىنان باسقا بارلىق ءوڭىر «قىزىل» ايماقتا. سوڭعى ەكى اپتادا قازاقستاندا كوروناۆيرۋس ينفەكتسياسىن جۇقتىرعاندار سانى بىرتىندەپ, 10%-عا ءتۇستى. 1 تامىزدان باستاپ رەسپۋبليكادا كوروناۆيرۋستىق ينفەكتسيانىڭ تارالۋ يندەكسى 1,11-دەن 0,93-كە دەيىن 1,2 ەسە تومەندەدى», دەپ قورىتىندىلادى مينيستر.
