بۇل تۋرالى Euronews.com سايتى مالىمدەدى.

22 تامىزدا اۋەجاي ماڭىنداعى دۇربەلەڭ كەزىندە جەتى ادام قازا بولعان. سوڭعى كۇندەرى كەم دەگەندە 20 ادام ءتۇرلى وقيعا سالدارىنان قازا بولدى. سودىرلار اۋە ايلاعىنداعى جاعدايعا جاۋاپكەرشىلىكتى اقش-قا جۇكتەپ وتىر.

اقش قورعانىس ءمينيسترى للويد وستين پەنتاگون پرەزيدەنت دجو بايدەنگە 31 تامىزعا دەيىن بەلگىلەنگەن ەۆاكۋاتسيا مەرزىمىن ۇزارتۋ جونىندە ۇسىنىمدار بەرەتىنىن ايتتى.

ء«بىز جاعدايدى باعالاپ وتىرمىز جانە مۇمكىندىگىنشە كوپ ادامدى اەرودرومعا كوشىرۋ ءۇشىن بار كۇشىمىزدى سالامىز. مەجەلى كۇنگە جاقىنداپ قالعاندىقتان پرەزيدەنتكە ۇسىنىستار دايىندايمىز. ءبىز اقش ازاماتتارىمەن بايلانىسۋ ءۇشىن جانە ولاردىڭ اەرودرومعا جەتۋىنە كومەكتەسۋ ءۇشىن ءار ءتۇرلى ءادىستى قولدانامىز», دەدى ول.

اقش پرەزيدەنتى دجو بايدەننىڭ اكىمشىلىگى اۋعانستاننان ادامداردى ەۆاكۋاتسيالاۋ ءۇشىن امەريكالىق اۋە تاسىمالداۋشىلارعا تيەسىلى ازاماتتىق ۇشاقتاردى قولدانۋدى ۇيعارعان.

ال, بيلىكتى باسىپ العان تالىپتەر جاقىن ارادا جاڭا ۇكىمەتتى جاريالاۋعا ۋادە بەردى.