تەاتر • 23 تامىز، 2021

ەۋروپانى تامساندىرعان قويىلىمدار – ەلوردا تورىندە

69 رەت كورسەتىلدى

الداعى 26 - 27 تامىز كۇندەرى تاۋەلسىزدىگىمىزدىڭ وتىز جىلدىعىنا وراي الماتىداعى اباي اتىنداعى ۇلتتىق اكادەميالىق وپەرا جانە بالەت تەاترى ەلورداعا گاسترولدىك ساپارمەن كەلىپ، «استانا وپەرا» ساحناسىندا ونەر كورسەتەدى. بۇل ايتۋلى جوبانى «رۋحاني جاڭعىرۋ» باعدارلاماسىن جۇزەگە اسىرۋ اياسىندا مادەنيەت جانە سپورت مينيسترلىگى ۇيىمداستىردى.

قازاق وپەرا جانە بالەت ونە­رى­نىڭ قاراشاڭىراعىنا اينال­عان تەاتر ۇجىمى استانا­لىق­تارعا ال­ماتىلىق جانە ەۋروپالىق كورەر­مەن­دەردىڭ كوڭىلىنەن شىققان سپەك­تاكلدەردى تارتۋ ەتپەك. ءسوي­­تىپ، قالا تۇرعىندارى مەن قو­ناق­تارى ۇلى كومپو­زي­تور­لار­دىڭ مۋزىكاسىمەن ورىلگەن بىرەگەي قو­يى­لىمدارداعى جاڭاشا كور­كەم­دىك شەشىمدەگى كلاسسيكا-مودەرن كەزەڭىنە ساياحاتتايدى.

ايتالىق، ونەر ساپارىنىڭ شىمىلدىعى 26 تامىز كۇنى گاەتانو دونيتسەتتيدىڭ «دون پاسكۋالە» وپەراسىمەن اشىلادى. جاڭا قويىلىم يتالياندىق اتموسفەرا مەن سونى ءستيلدىڭ تال­عامپاز ءمانى بار كۇردەلى ستسە­نو­گرافيالىق سيۋجەت پەن «ۋا­قىت­تان ۋاقىتقا اۋىساتىن» قوز­عا­لىستاردى قامتىپ، زاماناۋي تەحنولوگيانى وپەرا الەمىمەن ۇي­لەستىرەتىن بەينەپروەكتسيالارمەن تولىقتىرىلعان.

ال 27 تامىزدا جۇرتشى­لىق­قا ف.شوپەننىڭ «شوپەنيانا»، ي.س.باحتىڭ «باح شىعارما­شى­لى­عىن تانۋ» جانە م.راۆەلدىڭ «بولەرو» ءۇش اكتىلى بالەتى ۇسى­نى­لادى.

فريدەريك شوپەننىڭ مۋزىكاسىنا قويىلعان «شوپەنيانا» رومانتيكالىق بالەت كلاسسيكاسى سانالادى. بۇل تۋىندى ارمان مەن شىندىق اراسىنداعى ماڭ­گى­لىك قاقتىعىستار مەن يدەال­دىقتىڭ جەتىسپەۋشىلىگى بار ر­و­­مانتيزم داۋىرىنە ەلىكتەپ جا­­زىلعان. ال بالەتمەيستەر گۇلجان تۇتكىباەۆا پلاستيكالىق وبراز­داردىڭ تىلى­مەن شوپەننىڭ مۋ­زى­كاسىنا ءتان بەي­نەلەردى اسەر­لى جەتكىزەدى. قو­يىلىم بالەت ارتىس­تەرىنىڭ «پا» بي قادامدارى جانە جاڭا كوستيۋمدەر مەن دە­كو­راتسيالاردىڭ وزگەرىسىنەن تۇ­رادى.

سونداي-اق نەوكلاسسيكالىق «باح شىعارماشىلىعىن تانۋ» بالەتى – كلاسسيتسيزمنىڭ دەرەك­سىز دەكونسترۋكتسياسى. وندا تىڭ­دار­مان­دى العاشقى نوتالاردان مۋزىكا سۇلۋلىعىمەن باۋراپ، ىشكى الەم كەڭىستىگىنە جەتەلەيدى.

يسپان ونەرىن جاقسى بىلەتىن موريس راۆەل «بولەرو» بى­رە­گەي شىعارماسىن جازۋدى باس­­تا­عان­دا، وعان تالانتتى ءبي­شى، ورىس بالەتىنىڭ ءسوليسى يدا رۋبينشتەين زور ىقپال ەتكەن. ءوز كەزىندە رۋبينشتەين پاريجدەگى «گراند وپەرا» ساحناسىندا يسپان كو­رى­نىسىندە حورەوگرافيالىق كومپوزيتسيا ورىنداعان. سوندىقتان با­لەتمەيستەر ريكاردو اماران­تە­نىڭ قويىلىمىنداعى «بولەرو» ايەل زاتىنىڭ ءمىنسىز سۇلۋلىعى مەن سەزىمتالدىعىن جىرلايدى. مۇندا كلاسسيكالىق مودەرندى ساح­نادا بولىپ جاتقان ءار كو­رى­نىستەن بايقايسىز، سونىمەن قاتار بيشىلەردىڭ قوزعالىسى، دە­كوراتسيا مەن جارىقتىڭ ءتۇسۋى كو­رەرمەندى اسەم كوڭىل كۇيگە بو­لەيدى.

سوڭعى جاڭالىقتار

مۇناي باعاسى 16% تومەندەيدى

ەكونوميكا • بۇگىن، 11:30

بۇگىن اۋا رايى قانداي بولادى؟

اۋا رايى • بۇگىن، 09:33

ەلىمىزدە 49 ادام ىندەت جۇقتىردى

كوروناۆيرۋس • بۇگىن، 09:14

جاڭارعان جۇيە جاۋاپكەرشىلىگى

سايلاۋ • بۇگىن، 08:58

سايىنداعى سۋ داۋى

ايماقتار • بۇگىن، 08:50

توپ جارعان ءۇش عالىم

ءبىلىم • بۇگىن، 08:45

قىرعىزدىڭ وڭىندەي...

ونەر • بۇگىن، 08:35

انا مەن بالا اماندىعى

مەديتسينا • بۇگىن، 08:35

ساياسي الاڭداعى ۇستانىم

سايلاۋ • بۇگىن، 08:25

ۇقساس جاڭالىقتار