«21 تامىزدان باستاپ قالادا رەسپۋبليكا وڭىرلەرىنىڭ قاتىسۋىمەن اۋىل شارۋاشىلىعى جارمەڭكەلەرىنىڭ كەزەكتى ماۋسىمى باستالدى. بۇگىن بىزدە ءبىرىنشى جارمەڭكەنى ءداستۇرلى تۇردە وڭتۇستىك ءوڭىر - تۇركىستان وبلىسى اشادى. وبلىس 500 تونناعا جۋىق ءتۇرلى ونىمدەر اكەلدى: ەت, ءسۇت, كوكونىس ونىمدەرى جانە باقشا داقىلدارى. قالاداعى جارمەڭكەلەر 31 قازانعا دەيىن جالعاسادى», دەدى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ ءبولىم باسشىسى رۋسلان ىدىرىسوۆ.
جارمەڭكەدە ءوڭىردىڭ 50-دەن استام وندىرۋشىلەرى 99 توننا ەت جانە ەت ونىمدەرىن, 75 توننا ءسۇت ءونىمىن, 152 توننا كوكونىس, 21 توننا جەمىس-جيدەك, 23 توننا كارتوپ, 20 مىڭ دانا تاۋىق جۇمىرتقاسىن, 11 توننا بالىق, 2 توننا بال, 31 توننا كەپتىرىلگەن جەمىستەر مەن ءتۇرلى كونسەرۆىلەردى, 8 توننا باسقا ونىمدەردى اكەلدى.
«بۇگىنگى جارمەڭكەگە تۇركىستان وبلىسىنىڭ 50-دەن استام تاۋار ءوندىرۋشىسى قاتىسادى, وندىرۋشىلەردەن دەلدالسىز 500 تونناعا جۋىق ءونىم ۇسىنىلعان, سوندىقتان باعالار نارىقتىق باعادان 15-20%-عا تومەن», دەپ ءتۇسىندىردى تۇركىستان وبلىسى اۋىل شارۋاشىلىعى باسقارماسىنىڭ باسشىسى نۇربەك بادىراقوۆ.
ايتا كەتۋ كەرەك, جارمەڭكە كەزىندە بارلىق سانيتارلىق نورمالار ساقتالادى: ماسكا رەجيمى, الەۋمەتتىك قاشىقتىق, قول گيگيەناسى.
