سپيكەردىڭ ايتۋىنشا, كوكتەمدە قالادا 64 مىڭ كوشەت وتىرعىزىلدى, كۇزدە تاعى 300 مىڭ ءتۇپ وتىرعىزۋ جوسپارلانۋدا. بىلتىر وتىرعىزىلعان 282 مىڭ كوشەتتىڭ 16 پايىزى جەرسىنبەدى.
«راس 44 مىڭ اعاش تامىر جايعان جوق. قۋراپ كەتتى. ستاندارتتار بويىنشا اعاشتاردى جاپپاي وتىرعىزۋ كەزىندە 15 پايىزى جەرسىنبەيدى. سوندىقتان بىزدە تەك ءبىر پايىز عانا ارتىق. ءبىز 2019 جىلدان بەرى وتىرعىزعان بارلىق كوشەتتەردى جۇيەلى تۇردە باقىلاپ وتىرامىز. ارينە, كەيبىر تۇرلەرى بوىنشا قيىندىقتار بار. مىسال رەتىندە الاتاۋ اۋدانىنداعى قاراعاي توعايىن الۋعا بولادى. قاراعاي مەن شىرشالاردىڭ اشىق كۇن استىندا تامىر جايىپ كەتۋى وتە قيىن. سەبەبى, ولار تاۋ بوكتەرىندە وسەتىن اعاشتار. قازىر ءبىز ولاردى ەمدەپ جاتىرمىز», دەدى ناتاليا ليۆينسكايا.
باسقارما باسشىسى بيىل تامىر جايۋى تومەن ءارى اۋرۋعا بەيىم اعاشتار وتىرعىزىلمايتىنىن ايتتى.
ء«بىز اعاش كۇتىمىنە, جاسىل قوردى ساۋىقتىرۋعا جانە بيوارتۇرلىلىكتى ساقتاۋعا كوشتىك. الماتىنىڭ جاسىل جەلەكتەرىن سۋلاندىرۋ ءۇشىن جاڭا سكۆاجينالار سالىندى, سۋارمالى ارىق تورابىنا ينۆەنتاريزاتسيا جۇرگىزىلدى, سۋارۋ جۇمىستارى كۇشەيتىلدى», دەدى جاسىل ەكونوميكا باسقارماسىنىڭ باسشىسى.
ناتاليا ليۆينسكايا قالادا وتىرعىزىلعان وسىمدىكتەردىڭ اۋقىمى كليمات پەن توپىراق قۇرامىنا بايلانىستى عىلىمي قاۋىمداستىقپەن, لاندشافت ماماندارىمەن بىرگە ىرىكتەلەتىنىن العا تارتتى.
«بۇل رەتتە جاسىل جەلەكتەردىڭ ءتىزىلىمى قالىپتاستى, وندا ءار تالدىڭ ەلەكتروندى پاسپورتى بار. رەەستر جاسىل قوردىڭ ساپالىق جانە ساندىق جاعدايىنىڭ ەسەبىن جۇرگىزۋگە مۇمكىندىك بەرەدى. جۇيە سونىمەن قاتار وتىرعىزۋ الاڭدارىن, ونىڭ ىشىندە وتەماقىنى باقىلاۋعا مۇمكىندىك بەرەدى. جۇيە بارلىعىنا 2021 جىلدىڭ قىركۇيەگىنەن باستاپ باسشىلىقتىڭ رەسمي سايتىندا قولجەتىمدى بولادى», دەدى باسقارما باسشىسى.
ەندى قالاداعى اعاشتاردى ساۋىقتاندىرۋ مەن ەمدەۋ جۇمىستارى, زينياكەستەر مەن زەڭگە قارسى ءتورت رەت بيولوگيالىق وڭدەۋ جۇمىستارى قاتار جۇرگىزىلۋدە.
