قوعام • 20 تامىز، 2021

«الەمدىك بەيبىتشىلىككە قادام» كىتابى

47 رەت كورسەتىلدى

نورۆەگيانىڭ Bike for Peace («بەيبىتشىلىك جولىنداعى ۆەلوسيپەدشىلەر») قوزعالىسى «الەمدىك بەيبىتشىلىككە قادام» كىتابىن شىعاردى، دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.

اتالعان قوزعالىستىڭ نەگىزىن قالاۋشى تۋرە نەرلاند اتاپ وت­كەندەي، بۇل باسىلىم Bike for Peace-ءتىڭ 45 جىلدىعى مەن سەمەي يادرولىق پوليگونى جابىلۋىنىڭ 30 جىلدىعىنا ارنالعان. كىتاپ نورۆەگ تىلىندە شىققان، اعىلشىن تىلىندەگى باسىلىمى ازىرلەنۋدە.

«بۇل كىتاپتا ءبىز قازاقستان تۋرالى كوپ ايتامىز، ونىڭ ىشىندە 2011 جىلى پەكين-الماتى-ماس­كەۋ-بەرگەن ۆەلوشەرۋى دە بار. ءبىز­دىڭ ساپار سەمەي ماڭىنداعى پوليگوننان زارداپ شەككەندەردى قولداۋ ۇرانىمەن ءوتتى. سول جىلى ءبىز ارنايى استانا-سەمەي-الماتى شەرۋىن دە جاساعان بولاتىنبىز. بۇل قىزىقتى جانە تانىمدى اڭ­گى­­مە عانا ەمەس، ول – كوپتەگەن كە­رە­­مەت فو­توسۋرەتتەر دە»، دەدى ت.نەر­­­لاند كىت­ابىمەن تانىستىرۋ كەزىندە.

بۇعان قوسا، باسىلىمدا قازاق­ستاننىڭ وليمپيادا چەمپيونى ۆلا­ديمير سميرنوۆ قاتىسقان يادرو­لىق قارۋدى تاراتپاۋدى قولداۋ بويىنشا ۆاشينگتون-نيۋ-يورك تۋرى تۋرالى دا ايتىلعان.

«قازاقستاننىڭ ۇلگىسى انتي­يادرو­لىق قوزعالىس پەن بۇكىل الەم ءۇشىن وتە ماڭىزدى. ءسىزدىڭ ەل يادرولىق ارسەنالىنىڭ بار­لىق بىرلىكتەرىن بولشەكتەپ تاستا­دى. بۇل ءۇشىن ءبىز الەمدى يادرو­­لىق قا­رۋدان ازات ەتۋ بويىنشا بىر­قا­تار ماڭىزدى باستامالار­دى ۇسىن­عان قازاقستاننىڭ تۇڭعىش پرە­زيدەنتى نۇرسۇلتان نازار­باەۆ­قا ريزاشىلىعىمىزدى بىلدى­رە­مىز»، دەپ اتاپ ءوتتى Bike for Peace كوشباسشىسى.

كىتاپتىڭ تۇساۋكەسەرى نورۆە­گيانىڭ وڭتۇستىك ايماقتارىنداعى ساياساتكەرلەردىڭ، ديپلو­ماتتار­دىڭ، قالا اكىمدەرى مەن قوعام وكىلدەرىنىڭ قاتىسۋىمەن Bike for Peace شەرۋى اياسىندا ءوتتى.

ارەندال، تۆەدەستراند جانە ءريسور قالالارىندا وتكەن كەزدەسۋلەر اياسىندا وتكەن بري­فينگ­­تەردىڭ بارىسىندا قازاق­ستان­نىڭ نورۆەگياداعى ەلشىسى ەر­كىن احينجانوۆ ءسوز سويلەدى. قازاق­ستاندىق ديپلومات 30 جىل بۇ­رىن تاۋەلسىز قازاقستاننىڭ تۇڭ­عىش پرەزيدەنتى – ەلباسى نۇر­سۇلتان نازارباەۆتىڭ الەم­دەگى ءتور­تىنشى ورىنداعى يادرو­لىق ارسە­نال­دان باس تارتۋ جانە سەمەي يادرو­لىق پوليگونىن جابۋ تۋرالى شە­شى­مىنىڭ تاريحي ماڭىزىنا توقتالدى.

كەزدەسۋلەرگە قاتىسۋشى­لار تاۋەلسىز قازاقستاننىڭ سوڭعى 30 جىلداعى دامۋىنىڭ باستى بەلەستەرىمەن، قازىرگى ۋاقىتتا ەلى­مىزدە ساياسي، ەكونوميكالىق جانە الەۋمەتتىك سالادا جۇر­گىزى­لىپ جاتقان رەفورمالارمەن تانىستى.

جۋىردا نورۆەگ تىلىندە جارىق كورگەن اباي قۇنانباي ۇلىنىڭ قاراسوزدەرى مەن تاڭدامالى پوەزياسى شەرۋ بارىسىندا نورۆەگتەر نازارىنا ۇسىنىلىپ، ولاردىڭ اسا قىزىعۋشىلىعىن تۋدىردى.

Bike for Peace قوزعالىسى 29 تامىزداعى حالىقارالىق يادرو­لىق سىناقتارعا قارسى ءىس-قي­مىل كۇنى اياسىندا بەرن-جەنەۆا با­عىتى بويىنشا ۆەلوشەرۋ وت­كىز­بەكشى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار