وقشاۋ ورنىنداعى ونلاين-دۇكەندى قالا تۇرعىنى انار الدامبەرگەنوۆا اشىپتى.
– ءوز جۇبايىم وسى مەكەمەدە جازاسىن وتەپ, تاياۋدا عانا بوستاندىققا شىقتى. سوندىقتان اۋىر سومكەلەردى ارقالاپ, ەسىك الدىندا ۇزىن-سونار كەزەك كۇتىپ تۇرۋدىڭ قانداي قيىن ەكەنىن جاقسى بىلەمىن. قازىرگىدەي ىندەت ءورشىپ تۇرعان كۇردەلى كەزەڭدە ازىق-ت ۇلىك پەن ءبىرىنشى كەزەكتە قاجەتتى زاتتاردى اباقتىعا وتكىزۋدى جاقسارتۋ جانە جەڭىلدەتۋ كەرەك ەكەنىنە كوزىمىز جەتتى. ءبىز ينتەرنەت-دۇكەنىمىزدى وسى ماقساتپەن اشىپ وتىرمىز, – دەيدى ا.الدامبەرگەنوۆا.
ەندى تۇزەۋ مەكەمەسىندەگى جازاسىن وتەۋشىلەردىڭ تۋىستارى ينتەرنەتكە قوسىلعان كەز كەلگەن قۇرىلىمنان ازىق-ت ۇلىك ساتىپ الا الادى. ال تەرگەۋ مەكەمەسىنە جەتكىزىپ بەرۋ شىعىنى دۇكەن ەسەبىنەن تولىعىمەن وتەلەدى. تاپسىرىس سايتتا جاسالىپ, كۋرەر دايىن تاۋاردى تەرگەۋ وقشاۋلاعىشىنا جەتكىزەدى.
– ينتەرنەت-دۇكەندە جازاسىن وتەپ جاتقان جاندارعا قاجەتتى بارلىق زات بار. ەڭ باستىسى, تولەمدى ۇيدەن شىقپاي-اق جاساۋعا بولادى, – دەيدى تۇتىنۋشىنىڭ ءبىرى.
الداعى ۋاقىتتا ونلاين-دۇكەن تەرمينالىن مەكەمە ىشىنە ورناتۋ جوسپاردا بار. بۇل جازاسىن وتەۋشىلەرگە دە وزدەرىنە قاجەت تۇرمىستىق بۇيىمدارعا تاپسىرىس بەرۋگە مۇمكىندىك تۋعىزباق. «ول ءۇشىن ءار سوتتالۋشىنىڭ باسىبايلى لوگينى مەن قۇپيا ءسوزى بولۋى كەرەك», دەيدى دەپارتامەنت وكىلدەرى.
قوستاناي وبلىسى
