ورتالىق كوممۋنيكاتسيالار قىزمەتىندە وتكەن بريفينگىدە نىعمەتجان ماقاجانوۆ وندىرىستىك قاۋىپسىزدىك سالاسىنداعى زاڭنامالىق وزگەرىستەر تۋرالى مالىمەت بەردى.
«بيىل ساۋىردە مەملەكەت باسشىسى اعىمداعى «ونەركاسىپتىك قاۋىپسىزدىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويعانىن اتاپ وتكەن ءجون.
جالپى قابىلدانعان جاڭاشىلدىقتار زاڭناما نورمالارىن جەتىلدىرۋگە, قاۋىپتى وبەكتىلەردەگى مەملەكەتتىك قاداعالاۋدىڭ تيىمدىلىگىن ارتتىرۋعا, ونەركاسىپتىك قاۋىپسىزدىك سالاسىندا جۇمىستار جۇرگىزۋ قۇقىعىنا اتتەستاتتالعان جانە اۆاريالىق-قۇتقارۋ جۇمىستارىن جۇرگىزە الاتىن ۇيىمداردىڭ قىزمەتىن رەتتەۋگە باعىتتالعان», دەدى كوميتەت باسشىسى ونىڭ ايتۋىنشا, زاڭنامالىق وزگەرىستەردىڭ ناتيجەسىندە وندىرىستىك باقىلاۋ قىزمەتتەرىنىڭ لاۋازىمدى تۇلعالارىنىڭ مارتەبەسى كۇشەيتىلگەن «اتاپ ايتقاندا, جۇمىسكەرلەردىڭ ءومىرى مەن دەنساۋلىعىنا قاتەر تونەتىن جاعداي بايقالسا, وندىرىستىك باقىلاۋ قىزمەتتەرىنىڭ لاۋازىمدى تۇلعالارى جۇمىستى ۋاقىتشا توقتاتىپ, تەكسەرۋ ۇيىمداستىرۋعا جانە قاۋىپسىزدىك تالاپتارىنا سايكەس كەلمەيتىن ادامداردى جۇمىستان شەتتەتۋگە قۇقىلى.
بۇل جاڭالىقتار كاسىپورىنعا ءوز قىزمەتىندە ونەركاسىپتىك قاۋىپسىزدىك تالاپتارىنىڭ بۇزىلۋىن ءوز بەتىنشە انىقتاۋعا مۇمكىندىك بەرەدى. ءبىر جاعىنان جۇمىس بەرۋشى ىقتيمال ولقىلىقتىڭ الدىن الۋعا مۇددەلى بولادى. ويتكەنى كاسىپورىننىڭ جۇمىسىندا ورەكەل ولقىلىق تابىلماسا, ءبىر جىلعا تەكسەرۋدەن بوساتىلۋى مۇمكىن. وسىلايشا كاسىپورىن باسشىلارى مەن قۇرىلتايشىلارىن ىنتالاندىرۋ شاراسى ەنگىزىلىپ وتىر», دەدى نىعمەتجان ماقاجانوۆ.
