قىزىلوردا وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىمەن جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە قىزىلوردا قالاسىنىڭ 48 جاستاعى تۇرعىنى ەسىرتكىنىڭ زاڭسىز اينالىمىمەن اينالىسقانى ءۇشىن ۇستالدى.
ونىڭ تۇرعىلىقتى مەكەنجايىنىڭ اۋلاسىنا قاراپ-تەكسەرۋ جۇمىستارىن جۇرگىزۋ بارىسىندا ارقايسىسى 3-4 مەتر بيىكتىككە دەيىن ءوسىرىلىپ, باپتالعان مىڭ تۇپتەن اسا سورا وسىمدىگى انىقتالدى.
ودان بولەك سورا وسىمدىگىن كەپتىرىپ, دايىندالعان 2 قاپقا جانە كولەمى 5 ليتر بولاتىن 5 دانا پلاستيكالىق ىدىسقا نىعىزدالىپ, سالىنعان وزىنە ءتان ەرەكشە حوش ءيىسى بار ەسىرتكى زاتىنا ۇقساس ءشوپ ۇنتاقتارى انىقتالىپ, زاتتاي دالەلدەمە رەتىندە الىندى. تاعايىندالعان ساراپتامانىڭ قورىتىندىسىنا سايكەس, جالپى سالماعى 320 كەلىدەن اساتىن 1089 ءتۇپ سورا وسىمدىگى جانە 4 كەلىدەن اساتىن ماريحۋانا ەسىرتكى زاتىنا جاتاتىنىن بەكىتكەن.
