«2021 جىلعى قىركۇيەكتەن باستاپ پەداگوگتەردى جۇمىسقا قابىلداۋدىڭ جۇيەسى وزگەرەدى. وسىعان قاتىستى پىكىرتالاس كوپ بولدى. ءبىز ساراپشىلارمەن تالقىلاپ ءبىر شەشىمگە كەلدىك. جاقىندا بۇيرىققا قول قويىلدى. ەگەر وسىعان دەيىن پەداگوگتەردى مەكتەپ ديرەكتورى قابىلداسا, قازىر ولار كونكۋرس ارقىلى ەلەكتروندى فورماتتا وتەدى. ناقتى تالاپتار بار. سول بويىنشا مەكتەپ پەن كوميسسيا پەداگوگتەردى جۇمىسقا قابىلداۋ تۋرالى شەشىم قابىلدايدى», دەدى ول.
مينيستر قىركۇيەكتەن باستاپ ءبىلىم بەرۋ مەكەمەلەرىنىڭ ديرەكتورلارىن تاعايىنداۋ جۇيەسى دە وزگەرەتىنىن ايتتى.
«بۇل بالالار ءۇيى مەن كوللەدجدەرگە, مەكتەپتەرگە دە قاتىستى. بىزدە ءبىر ورىندا 25-30 جىل ىستەيتىن جەتەكشىلەر بار. بۇل كوپ جاعدايدا ءتيىمسىز بولادى. جاڭا تاعايىنداۋ جۇيەسى جەتەكشىلەردىڭ جۇمىس تيىمدىلىگىن ارتتىرادى دەپ ويلايمىز. قىركۇيەكتەن باستاپ ءبىلىم بەرۋ مەكەمەلەرىنىڭ ديرەكتورلارىنا العاش رەت روتاتسيا ەنگىزىلەدى. روتاتسيا ماڭىزدى قادام بولىپ ەسەپتەلەدى. بۇيرىققا قول قويىلدى. ول قىركۇيەكتە ءوز كۇشىنە ەنەدى», دەدى اسحات ايماعامبەتوۆ.
