قازاقپارات اگەنتتىگى تاراتقان مالىمەت بويىنشا, اۋەجايدا قويىلعان 16 ينستاللياتسيانىڭ ارقايسىنىڭ وزىندىك ماعىناسى بار. ولاردىڭ ەرەكشەلىكتەرى ءۇش تىلدە (قازاق, ورىس, اعىلشىن) جازىلىپ كورسەتىلگەن.
ء«بىزدىڭ بۇگىنگى ءۇش جاقتى ىنتىماقتاستىعىمىز ياعني ەكونوميكالىق زەرتتەۋلەر ينستيتۋتى, قازاقستانداعى بۇۇ دامۋ داعدارلاماسى جانە نۇرسۇلتان نازارباەۆ حالىقارالىق اۋەجايىنىڭ بىرلەسكەن بۇل جوباسى بويىنشا الدارىڭىزدا 16 ينستاللياتسيا تۇر, ال 17-ءشى ماقسات وسى تۇراقتى دامۋدى جۇزەگە اسىراتىن ول – ادام», دەيدى ەكونوميكالىق زەرتتەۋلەر ينستيتۋتى اق باسقارما توراعاسىنىڭ ورىنباسارى باۋىرجان مۇقان اشىلۋ سالتاناتىندا.
ۇيىمداستىرۋشىلاردىڭ مالىمدەۋىنشە, ادامداردى قورشاعان ورتا پروبلەماسىنا نازارعا اۋدارۋعا شاقىرعان شارا ەل تاۋەلسىزدىگىنىڭ 30 جىلدىعى, ەكونوميكالىق زەرتتەۋلەر ينستيتۋتىنىڭ 60 جىلدىعى جانە ەلوردا اۋەجايىنىڭ 90 جىلدىعىنا ارنالىپ وتىر.
ء«بىز زاماناۋي جاھاندانۋدىڭ ەكولوگياعا زيان كەلتىرىپ جاتقانىنا بەي-جاي قاراي المايمىز. وسى ورايدا ماسەلەدەن تىس قالماۋدى ءجون كوردىك. ءبىزدىڭ مەكەمەنىڭ ەكولوگيالىق كودەكسى بار جانە ءبىز ونى ساقتايمىز. ياعني قورشاعان ورتا ماسەلەسىن شەشۋگە باعىتتالعان باستامالاردى قۋانا قولدايمىز. ادامزاتتىڭ تۇراقتى دامۋىنىڭ ماقساتتارىنا ارنالعان وسى كورمەنى بىزدە وتكىزۋگە بىردەن كەلىسىمىمىزدى بەردىك. وسى ينستاللياتسيالاردى كورگەن اۋەجاي جولاۋشىلارى ادامزاتتىڭ بولاشاق دامۋىنا دەگەن كوزقاراسىن وزگەرتەدى دەگەن ويدامىز», دەدى نۇرسۇلان نازارباەۆ حالىقارالىق اۋەجايى اق باسقارما توراعاسىنىڭ ءبىرىنشى ورىنباسارى داۋلەت حامزين.
