8 تامىز كۇنى ساعات 02:00 شاماسىندا روزوۆكا اۋىلىنداعى ەرلى-زايىپتىلار اراسىندا جانجال شىققان. كۇيەۋى ماس كۇيىندە كولىگىمەن كەتۋگە تىرىسقاندا ايەلى ونى توقتاتپاق بولعان. جانجال بارىسىندا كۇيەۋى توڭازىتقىشتان سپيرت الىپ جۇبايىنا قۇيىپ, وت جاعىپ جىبەرگەن.
جابىرلەنگەنىنە قاراماستان, ايەل كۇيەۋىنىڭ ۇستىنەن ارىز جازۋدان باس تارتقان. الايدا, قۇقىق قورعاۋ ورگاندارى ارنايى باپ بويىنشا (دەنساۋلىققا قاساقانا اۋىرلىعى ورتاشا زيان كەلتىرگەنى ءۇشىن) بويىنشا سوتقا دەيىنگى تەرگەۋدى باستادى.
17 تامىزدا دەنەسىنىڭ باسىم بولىگى كۇيگەن ايەل اۋرۋحانادا كوز جۇمدى. ولاردىڭ ورتاق ءۇش بالاسى بار. قازىر ولار اتاسى مەن اجەسىنىڭ قولىندا.
بۇل جاعدايعا قاتىستى سوتقا دەيىنگى تەرگەۋ قر قىلمىستىق كودەكسىنىڭ 106-بابى 3-بولىگىنە سايكەس قايتا سارالانىپ, كۇدىكتى ۋاقىتشا ۇستاۋ يزولياتورىنا قامالدى.
