كەزدەسۋدە ايماق باسشىسى سپورتشىنىڭ جەتىستىكتەرىن جوعارى باعالاپ, ول تەك جامبىل وبلىسىنىڭ عانا ەمەس, ەلىمىزدىڭ نامىسىن ابىرويلى قورعاپ, مەرەيىن تاسىتىپ جۇرگەنىن ايرىقشا اتاپ ءوتتى.
«جامبىل جەرىنەن شىققان سپورت ساڭلاقتارى از ەمەس. سولاردىڭ ءبىرى دە بىرەگەيى – ەلدوس سمەتوۆ دەپ بىلەمىز. سەنىڭ جەتىستىگىڭ, سپورتتاعى تابىستارىڭ – بۇگىنگى جاس ورەندەرگە ۇلگى-ونەگە. سەن ءوزىڭنىڭ مىقتى سپورتشى ەكەنىڭدى تاعى دا دالەلدەي ءتۇستىڭ. بارشا جانكۇيەرلەردىڭ ءۇمىتىن اقتادىڭ», دەدى بەردىبەك ساپارباەۆ.
سونداي-اق وبلىس اكىمى ەلدوس سمەتوۆكە جاڭا اۆتوكولىكتىڭ كىلتىن تابىستاپ, الداعى ۋاقىتتا دا ەل سپورتىن دامىتۋ جولىنداعى ەڭبەگىنە ساتتىلىك تىلەدى. ال, جاتتىقتىرۋشىسى عالىمجان جىلگەلديەۆكە 1 ميلليون تەڭگەنىڭ سەرتيفيكاتى تابىس ەتىلدى.
