ەۋرازيالىق مەديافورۋم اياسىندا الەمدىك ساياسات پەن ەكونوميكا, باق, ەكولوگيا, ءبىلىم جانە فۋتۋرولوگيا سياقتى سالالاردى قامتيدى. تانىمال حالىقارالىق جانە قازاقستاندىق ساراپشىلار پاندەميانىڭ جاھاندىق ۇدەرىستەرى مەن ادامي قارىم-قاتىناسقا اسەرىن, مەديا مەن تەحنولوگيا سالاسىنداعى تەندەنتسيالاردى, ناقتىلانباعان اقپاراتتىڭ كوبەيۋ پروبلەماسىن, بۇگىنگى ەكولوگيالىق كۇن ءتارتىبىن, سونداي-اق, بولاشاق الەمنىڭ كەلبەتىن تالقىلايتىن بولادى.
«سوڭعى 2 جىل كۇردەلى ماسەلەلەردى تالقىلاۋ جانە ونى شەشۋ جولىن ىزدەۋدە بىرىگە وتىرىپ ارەكەت ەتۋ ادامزات ءۇشىن ماڭىزدى ەكەنىن كورسەتتى. الداعى فورۋم پاندەميا كەزىندە الەمدىك قاۋىمداستىق ءۇشىن ماڭىزى ارتقان ماسەلەلەردى كوتەرىپ, قايسىسىنا ەرەكشە نازار اۋدارۋ كەرەكتىگىن انىقتاۋعا جانە ءارى قاراي نە ىستەۋ كەرەكتىگىن تۇسىنۋگە ارنالعان. وسىعان وراي, فورۋمدى وتكىزۋگە قولداۋ كورسەتكەن سەرىكتەستتەرىمىزگە العىسىمىزدى بىلدىرەمىز», دەدى EAMف باس ديرەكتورى الماگۇل احمەتجانوۆا.
ەۋرازيالىق مەديافورۋم ءۇش كۇن قاتارىنان ونلاين فورماتتا وتكىزىلمەك.
ءبىرىنشى كۇن الەمگە تانىمال ساراپشىلاردىڭ پراكتيكالىق شەبەرلىك ساباقتارىنا ارنالادى. سونداي-اق, فورۋمنىڭ ءبىرىنشى كۇنى اياسىندا ءداستۇرلى دوڭگەلەك ۇستەل ۇيىمداستىرىلادى. جيىندا «تۇركىتىلدەس ەلدەردىڭ باق-ى. قازىرگىدەي جاعدايدا ىنتىماقتاستىقتى دامىتۋ» تاقىرىبى اياسىنداعى ماسەلەلەر تالقىلانباق.
ەكىنشى كۇننىڭ قاتىسۋشىلارىن 4 سەسسيا كۇتەدى, ونىڭ ىشىندە:
- «قازاقستان تاۋەلسىزدىگىنىڭ 30 جىلدىعىنا ارنالعان سەسسيا»;
- «پاندەميا الەمدى قالاي وزگەرتتى جانە جاھاندىق ءومىر ءسۇرۋدىڭ جاڭا باعىتتارىن قالاي انىقتادى؟!»;
- «اقپارات كوپ - شىندىق از»;
- «جاسىل ستراتەگيا. تاعى ءبىر سوڭعى مۇمكىندىك» تاقىرىپتارى قامتىلعان.
ءۇشىنشى كۇن جوسپارىنداعى جيىنداردا دا ماڭىزدى ماسەلەلەر نازارعا الىناتىن بولادى:
- «اشۋشاڭدىق ءداۋىرى. الەمدى بيلەپ تۇرعان كىم؟»;
- «مەديا جانە تەحنولوگيالار. 2021 ترەندتەرى»;
- «ەڭبەك نارىعىنىڭ بولاشاعى جانە ءبىلىم»;
- «ورىندالعان كەلەشەك الەمى» تاقىرىپتارى بويىنشا جيىندار وتكىزىلەدى.
