تارازداعى №1 قالالىق بالالار اۋرۋحاناسىنىڭ پەرزەنتحانا بولىمىندە قالا تۇرعىنى اينۇر كوشپەنبەتوۆا ەسىمدى جاس انا دۇنيەگە ۇشەم اكەلدى. ولاردىڭ ارقايسىسىنىڭ سالماعى 2,5 كيلوگرامم.
تارازداعى №1 قالالىق بالالار اۋرۋحاناسىنىڭ پەرزەنتحانا بولىمىندە قالا تۇرعىنى اينۇر كوشپەنبەتوۆا ەسىمدى جاس انا دۇنيەگە ۇشەم اكەلدى. ولاردىڭ ارقايسىسىنىڭ سالماعى 2,5 كيلوگرامم.
اينۇر اياعى اۋىر كەزدە وبلىستىق دەنساۋلىق ساقتاۋ باسقارماسىنىڭ جولداماسىمەن الماتى قالاسىنىڭ اكۋشەرلىك-گينەكولوگيالىق ينستيتۋتىندا الدىن الۋ تەكسەرۋلەرىنەن ءوتىپ, جۇكتى ايەلدەردە بولاتىن اسقىنۋلاردان ەمدەلگەن. سونداي-اق, تاراز قالاسىنداعى №4 قالالىق ەمحاناسىندا ەسەپكە تۇرىپ, تۇراقتى تۇردە ءدارىگەرلەردىڭ باقىلاۋىندا بولعان.
اينۇر كوشپەنبەتوۆا مەن ونىڭ جۇبايى قانات ورىنبەكوۆتىڭ بۇعان دەيىن 3 بالاسى بار بولاتىن. ەندى, مىنە, ولاردىڭ قاتارىنا امان, ەسەن جانە ءجۇرسىن ەسىمدى باۋىرلارى قوسىلىپ, جاس جۇبايلار بىردەن كوپبالالى وتباسىنا اينالدى. اينۇر ازىرگە جۇمىس ىستەمەيدى, ال كۇيەۋى كولىك جۇرگىزۋشى بولىپ ەڭبەك ەتىپ ءجۇر. دارىگەرلەردىڭ ايتۋىنشا, بالالار قاجەتتى سالماعىن قوسىپ, ءتيىستى قالپىنا كەلگەنشە مەديتسينا قىزمەتكەرلەرىنىڭ باقىلاۋىندا بولادى.
وبلىستا وتكەن جىلى جالپى 27 028 بالا, ونىڭ ىشىندە 13 106 ۇل, 13 922 قىز ومىرگە كەلىپتى. سونىڭ ىشىندە 3 وتباسى ۇشەم قۋانىشىنا بولەنگەن. بۇگىندە ولاردىڭ بارلىعى ساۋ-سالامات ءوسىپ كەلەدى.
كوسەمالى ساتتىباي ۇلى,
«ەگەمەن قازاقستان».
تاراز.
–––––––––––
سۋرەتتە: امان, ەسەن, ءجۇرسىن اناسى مەن كىندىك شەشەلەرىنىڭ ورتاسىندا.
سۋرەتتى تۇسىرگەن
شولپان تايجانوۆا.
