وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ماس ەر ادام ءتۇن جارىمدا بەلگىسىز بىرەۋدىڭ اۋلاسىندا تۇرعان «Toyota Ipsum» اۆتوكولىگىن زاڭسىز ايداپ كەتكەن.
«اتىراۋ قالاسىنىڭ 48 جاستاعى تۇرعىنى كولىگىنىڭ ۇرلانعانىن كەلەسى كۇنى ءبىلىپ, پوليتسيا بولىمشەسىنە كەلىپ, ارىز جازدى. ءتارتىپ ساقشىلارى وقيعا ورنىنا جەدەل جەتىپ, 3 ساعاتتىڭ ىشىندە بەينەباقىلاۋ كامەرالارىنىڭ كومەگىمەن كۇدىكتىنى ىزدەپ تاپتى. ماس كۇيدە بولعان 34 جاستاعى تۇرعىن زاڭسىز ارەكەتكە بارعانىن مويىندادى», دەپ حابارلادى دەپارتامەنتتىڭ ءباسپاسوز قىزمەتى.
اتالعان دەرەككە قاتىستى قر قىلمىستىق كودەكسىنىڭ 200-بابىنىڭ 1-بولىگىمەن (اۆتوكولىكتى زاڭسىز ايداپ كەتۋ) سوتقا دەيىنگى تەرگەۋ جۇرگىزىلۋدە. بوتەننىڭ كولىگىن ۇرلاعان ەر ادام ۋاقىتشا ۇستاۋ يزولياتورىنا قامالدى.
