ايماقتار • 17 تامىز، 2021

الماتىدا شەكتەۋ شارالارى 1 قىركۇيەككە دەيىن ۇزاردى

72 رەت كورسەتىلدى

الماتى قالاسىنىڭ باس سانيتارلىق دارىگەرى جانداربەك بەكشين بۇگىنگى وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسى بارىسىندا شەكتەۋ شارالارىنىڭ نەلىكتەن ۇزارعانىن ءتۇسىندىردى، دەپ جازادى Egemen.kz.

ج. بەكشين بۇل شەشىمنىڭ ەپيدەميالىق احۋالدىڭ ۋشىعۋىنا، ىندەتتىڭ «دەلتا» شتامىنىڭ تەز تارالۋىنا جانە كلينيكالىق سيمپتومدارى بار ناۋقاستاردىڭ 94%-عا دەيىن وسۋىنە بايلانىستى ۇزارعانىن اتادى.

«الماتىدا ەپيدەميالىق جاعدايدى تۇراقتاندىرۋ، اسىرەسە ءبىلىم بەرۋ مەكەمەلەرىندە وقىتۋدى شتاتتى رەجيمدە ۇيىمداستىرۋ قاجەت»، دەپ ءتۇسىندىردى ج. بەكشين.

سوندىقتان الماتىدا قولدانىستاعى شەكتەۋ شارالارى 31 تامىزدى قوسا، ايدىڭ سوڭىنا دەيىن ۇزارتىلدى.

الەۋمەتتىك-ەكونوميكالىق نىساندار «قوڭىر قىزىل ايماققا» قويىلاتىن تالاپتارعا سايكەس جۇمىس ىستەيدى.

«Ashyq كوشباسشىلارى» مارتەبەسى بار نىسانداردا ساعات 00.00-گە دەيىن جۇمىس ىستەۋگە رۇقسات ەتىلەدى، مۇندا نىسان ءىشىنىڭ كەلۋشىلەرگە تولۋى 10%-عا دەيىن ارتۋى ءارى مەديتسينالىق قارسىلىقتارى بارلاردى قوسپاعاندا پەرسونالدىڭ 90 پايىزى ۆاكتسينالانۋى جانە سوڭعى 3 اي ىشىندە اۋىرىپ ەمدەلگەندەردىڭ قاتارى 20% بولۋى ءتيىس. Ashyq جوباسىندا جۇمىس ىستەيتىن باسقا نىساندارعا ساعات 22.00-گە دەيىن جۇمىس ىستەۋگە رۇقسات ەتىلگەن.

Ashyq-قا قاتىسپايتىن مەنشىك نىسانىنا قاراماستان بارلىق كاسىپورىندار مەن ۇيىمداردىڭ قىزمەتىن توقتاتۋ جالعاسا بەردى.

قر باس مەملەكەتتىك سانيتارلىق دارىگەرىنىڭ 2021 جىلعى 29 شىلدەدەگى №33-قاۋلىسىنىڭ 9-تارماعىنىڭ 4-بولىگىندە كورسەتىلگەن ۇيىمدار مەن وبەكتىلەردەن وزگە Ashyq جوباسىنا قاتىسۋشىلاردىڭ بارلىق كاسىپورىندارى مەن ۇيىمدارى 2021 جىلدىڭ 17-31 تامىزى ارالىعىندا سەنبى، جەكسەنبى جانە مەرەكە كۇندەرى جۇمىستارىن توقتاتادى.

قالا ساياباقتارىندا جاي كۇندەرى، دەمالىس جانە مەرەكە كۇندەرى، اتتراكتسيوندار، بولشەك ساۋدا جانە قوعامدىق تاماقتانۋ ورىندارىنىڭ قىزمەتتەرىنە تىيىم سالۋ كۇشىندە قالادى.

سونداي-اق الماتى قالاسىنىڭ باس سانيتارلىق دارىگەرىنىڭ قاۋلىسى بويىنشا تۇراقتى مەديتسينالىق قارسى كورسەتكىشتەرى بار جانە سوڭعى 3 ايدا ەمدەلىپ شىققانداردى قوسپاعاندا، مۇعالىمدەر مەن تەحنيكالىق قىزمەتكەرلەردى، جاتاقحانالار مەن اسحانالاردىڭ قىزمەتكەرلەرىن ۆاكتسينالاۋدى اياقتاۋ قاجەت ەكەندىگى كورسەتىلگەن. مەديتسينالىق قارسى كورسەتكىشتەرى بار ءارى 3 ايدا ەمدەلگەن ناۋقاستاردى قوسپاعاندا 18 جاستان اسقان ستۋدەنتتەرگە ەكپە سالۋدى اياقتاۋ قاجەت.

سونىمەن قاتار قاۋلىدا ستۋدەنتتەر كوپ جينالاتىن جەرلەردە – اسحانا، دارەتحانالار، دەمالىس ورىندارىندا اۋا رەتسيركۋلياتورلارىن ورناتۋ، مەكتەپتەردە باستاۋىش، ورتا جانە جوعارى سىنىپ وقۋشىلارى بولەك ەسىكتەردەن ىشكە كىرۋلەرى ءتيىس. 

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار