ايماقتار • 17 تامىز، 2021

الماتىدا تاۋلىگىنە 8 مىڭعا جۋىق تۇرعىن جەدەل جاردەمگە جۇگىنەدى

36 رەت كورسەتىلدى

الماتى قالاسى جەدەل جاردەم قىزمەتى ديرەكتورىنىڭ ورىنباسارى اندرەي لوجكين وڭىرلىك كوممۋنيكاتسيالار قىزمەتىنىڭ بريفينگىندە پاندەميا كەزىندەگى فەلدشەرلەر جۇمىسىنىڭ قيىندىعى مەن ولارعا تۇسەتىن اۋىرتپالىقتار تۋرالى مالىمدەدى، دەپ جازادى Egemen.kz.

اندرەي لوجكيننىڭ ايتۋىنشا، جىل باسىندا جەدەل جاردەم قىزمەتىنە ورتا ەسەپپەن 3200-گە جۋىق قوڭىراۋ تۇسسە، قازىرگى كەزدە جۇكتەمە ەكى ەسە ءوسىپ، كۇنىنە 6400-گە جۋىق ادام قوڭىراۋ شالادى.  

«ەڭ جوعارى كورسەتكىش شامامەن ءبىر اپتا بۇرىن بايقالدى. جەدەل جاردەم شاقىرعان وتىنىشتەر سانى 8 مىڭعا جەتتى. سونىمەن قاتار جەدەل جاردەم بريگادالارىنىڭ جۇكتەمەسى ءوستى، كۇنىنە شامامەن 15 قوڭىراۋ تۇسەدى. جىل باسىندا كۇنىنە 8-10 قوڭىراۋ شالىناتىن. قالانىڭ جەدەل جاردەم قىزمەتىنە ساعات 10.00-دەن 15.00-گە دەيىن جانە 18.00-دەن 24.00-گە دەيىنگى قاربالاس ۋاقىتتا ءتۇرلى وتىنىشتەر تۇسەدى. كەيدە شاقىرتۋلارعا قىزمەت كەشىگىپ كورسەتىلەدى. باستىسى،  پاتسيەنت ومىرىنە قاۋىپ تونگەن شاقىرتۋلارعا ءبىرىنشى كەزەكتە قىزمەت كورسەتىلەدى»، دەدى ا. لوجكين. 

ول جەدەل جاردەمدە جاس مامانداردىڭ تاپشى ەكەنىن ايتادى. جالپى، جەدەل جاردەم قىزمەتى تاجىريبەلى دارىگەرلەرمەن قامتىلعان. 

جۋرناليستەردىڭ سۇراقتارىنا جاۋاپ بەرە وتىرىپ، ا. لوجكين جەدەل جاردەم شاقىرعان كەزدە باستاپقى اۆتوماتتى سالەمدەسۋ 17 سەكۋندتان 12 سەكۋندقا قىسقارعانىن مالىمدەدى. بۇرىن جەدەل جاردەمگە قوڭىراۋ شالۋ قيىن بولعانى راس، ويتكەنى بايلانىس ارنالارى شەكتەۋلى، 30 عانا بولدى، رەزەرۆتە تۇرعانى – 20. بۇگىندە الماتىدا جەدەل جاردەمنىڭ 60 بايلانىس ارناسى ىسكە قوسىلعان، ديسپەتچەرلەر سانى دا ۇلعايدى – اۋىسىمدا 12 ادامنان 16 ادامعا دەيىن بار. 

جەدەل جاردەم قىزمەتىنىڭ 103 نومىرىنە حابارلاسا الماعان جاعدايدا دەرەكتەردى اۆتوماتتى تۇردە 112 قىزمەتىنە جىبەرۋگە بولادى.

ا. لوجكين فيزيكالىق اۋىرتپالىقتاردان باسقا، جەدەل جاردەم دارىگەرلەرىنە مورالدىق جۇكتەمەنىڭ ارتقانىن اتاپ ءوتتى.

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار