وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, بۇل دەرەك «كاراسورا-2021» جەدەل-پروفيلاكتيكالىق ءىس-شاراسى كەزىندە انىقتالعان.
«جەدەل ىزدەستىرۋ ءىس-شارالارىن جۇرگىزۋ كەزىندە كۇدىكتىنىڭ جالعا العان پاتەرىنە ءتىنتۋ جۇرگىزىلىپ, بەس دانا تۇيىنشەكتەلگەن ەسىرتكى تارىزدەس زات تابىلدى. كۇدىكتىنىڭ كورسەتۋىمەن وسىعان ۇقساس تاعى جەتى وراما تابىلىپ, تاركىلەندى. ساراپتامانىڭ قورىتىندىسىنا سايكەس, تاركىلەنگەن زات «مەفەدرون» پسيحوتروپتىق زاتى ەكەنى انىقتالدى. ەسىرتكىنىڭ جالپى سالماعى 4,28 گرامدى قۇرادى», دەيدى وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.
قازىر ۇستالعان 18 جاستاعى كۇدىكتىگە قاتىستى قر قىلمىستىق كودەكسىنىڭ 296-بابىنىڭ 2-بولىگىمەن, 297-بابىنىڭ 3-بولىگىنىڭ 3-تارماعىمەن سوتقا دەيىنگى تەرگەۋ باستالدى.
