بۇل تۋرالى قر قارجىلىق مونيتورينگ اگەنتتىگىنىڭ ءباسپاسوز قىزمەتى مالىمەت تاراتتى. «بۋكمەكەرلىك كەڭسەلەردىڭ قازاقستانداعى قىزمەتى «ويىن بيزنەسى تۋرالى» زاڭمەن رەتتەلەدى.
«2020 جىلى ماڭعىستاۋدا بانك قىزمەتكەرى كليەنتتەردىڭ شوتىنان 90 ملن تەڭگەدەن استام قاراجات ۇرلاپ, ونىڭ ءبىر بولىگىن بۋكمەكەرلىك كەڭسە ارقىلى قولما-قول اقشاعا اينالدىرعان. سوت ونى 5 جىلعا باس بوستاندىعىنان ايىردى», دەپ جازىلعان رەسمي حابارلامادا.
«بۋكمەكەرلىك كەڭسەلەردىڭ جەكەلەگەن قىزمەتكەرلەرى وڭاي پايدا تابۋ ءۇشىن زاڭنىڭ تالاپتارىن ەلەمەيدى جانە كليەنتتەردى زاڭسىز ونلاين-كازينو مەن توتاليزاتورلارعا تارتادى. مىسالى, الماتىدا زاڭسىز ويىن بيزنەسىن ۇيىمداستىرعان PariMatch, ۆك Triumph, «فاۆوريت» جانە PROFITBetting بۋكمەكەرلىك كەڭسەلەرىنىڭ لاۋازىمدى تۇلعالارى سوتتالدى. سوت ولاردى ءارتۇرلى جازالاۋ شارالارىنا ۇكىم شىعاردى», دەپ جازادى اگەنتتىكتىڭ ءباسپاسوز قىزمەتى.
