ءبىلىم • 16 تامىز، 2021

قازاقستاندىق وقۋشى حالىقارالىق وليمپيادادان التىن مەدال الدى

106 رەت كورسەتىلدى

 

اقتوبەدەگى NIS مەكتەبىنىڭ تۇلەگى ءرۇستام ۆالەەۆ تۇركيادا وتكەن حالىقارالىق وليمپيادانىڭ التىن مەدالىن جەڭىپ الدى  دەپ حابارلايدى Egemen.kz.

ونلاين رەجيمدە وتكەن زيياتكەرلىك سايىسىنا دۇنيە ءجۇزىنىڭ46 مەملەكەتىنەن ءبىلىم باسەكەسىنە تۇسكەن 200 جاس گەوگراف  مۋلتيمەديالىق تەستىلەۋ جانە  كارتوگرافيالىق  بەينەلەۋ تاپسىرمالارىن ورىنداعان بولاتىن. وعان قازاقستاندىق 4 وقۋشى قاتىستى. ناتيجەسىندە  ەلىمىزدىڭ ۇلتتىق  قۇراما كومانداسى 1 التىن، 1 كۇمىس جانە 1 قولا مەدال يەلەندى. التىن مەدالعا قول جەتكىزگەن ءرۇستام ۆالەەۆ «IGEO –2021» ءبىلىم باسەكەسىنىڭ جەڭىمپازى اتاندى.

  حالىقارالىق گەوگرافيالىق وداق (IGO) جەتەكشىلىگىمەن وتكىزىلىپ كەلە جاتقان مەكتەپ وقۋشىلارىنىڭ اراسىنداعى حالىقارالىق وليمپيادا تۇڭعىش رەت 1996 جىلى گااگا قالاسىنان باستاۋ الدى. سودان بەرى  جاس ءبىلىمپازداردىڭ  اراسىنداعى ءبىلىم سايىسى جىل سايىن الەمنىڭ ءار ءتۇرلى مەملەكەتىندە وتكىزىلىپ كەلەدى.  كىشكەنتايىنان گەوگرافيا پانىنە ەرەكشە قىزىعۋشىلىق تانىتىپ كەلە جاتقان ءرۇستام حالىقارالىق ءبىلىم بايگەسىنە قاتىسۋدان ءبىرشاما تاجىريبە جيناپ، وتكەن جىلدارى رەسپۋبليكالىق ءپاندىك وليمپيادانىڭ ءۇش دۇركىن جەءڭىمپازى اتاندى. 2019 جىلى IESO حالىقارالىق وليمپياداسىنىڭ قولا مەدالىنە قول جەتكىزسە، بيىلعى جىلدىڭ ماۋسىمىندا مەكتەپ وقۋشىلارى اراسىندا وتكەن  ەۋروپالىق وليمپيادانىڭ كۇمىس جۇلدەسىن دە  يەلەندى.

اقتوبە قالاسىنداعى نازارباەۆ زياتكەرلىك مەكتەبىنىڭ بيىلعى جىلعى تۇلەگى ء رۇستام ۆالەەۆ ەلدىڭ داڭقىن شىعارعان جەتىستىككە جەتكەنى ءۇشىن ۇستازدارى مەن اتا-اناسىنا العىسى شەكسىز. ول حالىقارالىق سايىستاردا جيناعان تاجىريبەسىن ءوز مەكتەبىنىڭ وقۋشىلارىمەن قۋانا بولىسۋگە ءازىر.  الداعى ۋاقىتتا ەءلىمىزدىڭ ءبىلىم سالاسىنداناعىز ۇزدىك وقۋشىلاردىڭ كوبەيۋىنە ىقپال ەتكىسى كەلەدى.

سوڭعى جاڭالىقتار

ۇقساس جاڭالىقتار