جىلقى جىلىنداعى ەلباسىنىڭ قازاقستان حالقىنا ءداستۇرلى جولداۋى ادەتتەگىدەي ارقايسىمىزعا جاڭا باعىت, جاڭا مىندەت, جاڭا تالاپ جۇكتەيدى. ويتكەنى, مەملەكەت باسشىسىنىڭ ءاربىر جولداۋى ءبىرىن-ءبىرى تولىقتىرىپ تۇراتىن ءبىرتۇتاس ستراتەگيالىق قۇجات بولىپ تابىلادى. دامۋدىڭ داڭعىل جولى سانالاتىن ۇزاقمەرزىمدى بۇل باعدارلامادا نازاردان تىس قالعان ماسەلە كەمدە-كەم. سونىڭ ءبىرى – حالىقتىڭ دەنساۋلىعى.
جىلقى جىلىنداعى ەلباسىنىڭ قازاقستان حالقىنا ءداستۇرلى جولداۋى ادەتتەگىدەي ارقايسىمىزعا جاڭا باعىت, جاڭا مىندەت, جاڭا تالاپ جۇكتەيدى. ويتكەنى, مەملەكەت باسشىسىنىڭ ءاربىر جولداۋى ءبىرىن-ءبىرى تولىقتىرىپ تۇراتىن ءبىرتۇتاس ستراتەگيالىق قۇجات بولىپ تابىلادى. دامۋدىڭ داڭعىل جولى سانالاتىن ۇزاقمەرزىمدى بۇل باعدارلامادا نازاردان تىس قالعان ماسەلە كەمدە-كەم. سونىڭ ءبىرى – حالىقتىڭ دەنساۋلىعى.
بۇگىنگى تاڭدا قازاقستاننىڭ تۇراقتى دامۋىندا ۇلت ساۋلىعى مەملەكەتتىك ەڭ ماڭىزدى ماسەلەلەر ساناتىنا كىرەدى. وسى جولداۋىندا دا ەلباسىنىڭ: «سالاماتتى ءومىر سالتىنىڭ ورنىعۋى, مەديتسينانىڭ دامۋى قازاقستاندىقتاردىڭ ءومىر ءسۇرۋ ۇزاقتىعىن 80 جاسقا دەيىن ارتتىرادى», دەۋى وسىعان دالەل. ماسەلەن, الماتى قالاسىندا «سالاماتتى قازاقستان» مەملەكەتتىك باعدارلاماسىن ىسكە اسىرۋدىڭ ءۇش جىلىندا قالا تۇرعىندارىنىڭ دەنساۋلىق ينديكاتورلارى مەن ناتيجە كورسەتكىشتەرىنىڭ تۇراقتى وڭ ديناميكاسى قامتاماسىز ەتىلدى.
الماتىدا تۋ كورسەتكىشى ارتىپ, الماتىلىقتاردىڭ تابيعي ءوسىمى 2010 جىلى – 12,7, 2011 جىلى 17,3 پايىزعا ءوسىپ وتىر. ءسابي ءولىمىنىڭ دەڭگەيى 2010 جىلدان – 39,2 پايىزعا, 2011 جىلدان – 37,7-گە, ال 2013 جىلى 7,9 پايىزعا كەمىگەن. ال قالا تۇرعىندارىنىڭ ءومىر ءسۇرۋ ۇزاقتىعى ءبىر جىلعا ۇزارىپ, 71,7 جاسقا جەتىپ وتىر. بۇل – رەسپۋبليكا بويىنشا سالىستىرعاندا, ەڭ جوعارى كورسەتكىش.
سونىمەن قاتار, سالاماتتى ءومىر سالتى بويىنشا مەكەمەارالىق جانە سەكتورارالىق تيىمدىلىكتى جوعارىلاتۋدا وڭ قورىتىندىلارعا قول جەتكىزىلدى. ماسەلەن, 2012 جىلدان باستاپ 30 مينۋتتان كۇن سايىن دەنە جاتتىعۋىمەن شۇعىلداناتىندار سانى ارتىپ, 3 جىلدا 30-دان 41,6-عا پايىزعا وسكەن. تەمەكى شەگەتىندەر سانى بىلتىر 24-تەن 23,7 پايىزعا تومەندەگەن. ىشىمدىككە سالىنعاندار سانى سوڭعى 3 جىلدا 14-تەن 12,8 پايىزعا ازايعان.
سونىمەن قاتار, ەلباسى قازاقستان مەديتسينالىق تۋريزم بويىنشا ەۋرازيا ەلدەرىنىڭ ىشىندە الدىڭعىلار قاتارىندا داميتىنىنا سەنىم ءبىلدىرىپ وتىر. وعان تولىق نەگىز بار دەپ ويلايمىن. ويتكەنى, مەملەكەت باسشىسىنىڭ ۇدايى قولداۋ كورسەتۋىنىڭ ناتيجەسىندە ەلىمىزدە مەديتسينالىق كەرەمەت كلاستەرلەر قولعا الىندى. قازىرگى كەزدە قازاقستاندا زاماناۋي ۇلگىدەگى حالىقارالىق ستاندارتقا ساي سالىنىپ, سوڭعى ۇزدىك تەحنولوگيا قۇرىلعىلارمەن جاراقتانىپ, جاڭا يننوۆاتسيالىق باعىتتا جۇمىس جاساپ جاتقان كلينيكالارىمىز قانشاما. اسىرەسە, ترانسپلانتولوگيا سالاسىنداعى جەتىستىگىمىز قارقىنداپ دامۋدا.
ەلباسىنىڭ ءداستۇرلى جولداۋى دەنساۋلىق ساقتاۋ, ءبىلىم بەرۋ سالاسى قىزمەتكەرلەرىنە قۋانىشتى حابار سىيلادى. ويتكەنى, كەلەر جىلدان باستاپ, ەلىمىزدەگى دارىگەرلەردىڭ جالاقىسى 28 پايىزعا كوبەيمەك. ەگەر حالىقتىڭ ساۋلىعى – قوعامنىڭ ەڭ باستى قۇندىلىقتارىنىڭ ءبىرى دەسەك, وسى ەلدىڭ باعا جەتپەس يگىلىگى ءۇشىن كۇندىز-ءتۇنى دەنساۋلىق كۇزەتىندە جۇرگەن مەديتسينا قاۋىمىنىڭ ەڭبەگىنىڭ ەلەنىپ, باعالانىپ جاتۋى – بىزدەردى جاڭا بيىكتەردى باعىندىرۋعا, العا قويعان مىندەتتەردى ورىنداۋ جولىندا ىنتا-جىگەر, قاجىر-قايرات قوساتىنىنا كامىل سەنەمىز.
جانات قاسىمجانوۆا,
الماتى قالاcى دەنساۋلىق
ساقتاۋ باسقارماسىنىڭ باسشىسى.
