قوعام • 16 تامىز، 2021

اسكەري پوليتسيانىڭ سەنىم سايتى ىسكە قوسىلدى

78 رەت كورسەتىلدى

قازاقستان قارۋلى كۇشتەرىنىڭ اسكەري پوليتسياسى باس باسقارماسى ازاماتتاردان ارمياداعى قۇقىق بۇزۋشىلىقتار تۋرالى اقپارات قابىلداۋ ءۇشىن ءموبيلدى قوسىمشاسى بار askeri-senim.kz سايتىن ازىرلەدى.

پايدالانۋشىلار اسكەري پوليتسيا ورگاندارىنا ەلەكتروندى فورماتتا ورنى مەن ۋاقىتىنا، تەرگەۋ جۇرگىزىلۋىنە، سونداي-اق حابارلاناتىن مالىمەتتەردىڭ تولىقتىعىنا قاراماستان، جاسالعان نەمەسە جاساۋعا ارەكەتتەنىپ جاتقان كەز كەلگەن قۇقىق بۇزۋشىلىق تۋرالى تىكەلەي حابارلامالاردى جولداي الادى. سايتتا ءموبيلدى قوسىمشا بارلىق Android جانە IOS قۇرىلعىلارىنا ورناتىلىپ، قوسا جۇمىس ىستەيدى. قوسىمشانى askeri-senim.kz سايتىنان جۇكتەپ الۋعا بولادى.

اسكەري پوليتسيا باس باسقارماسى مالىمدەگەندەي، «اسكەري سەنىم» جوباسى ارمياداعى قۇقىق بۇزۋشىلىق، حابارلامالاردى قابىلداۋ، ەسەپكە الۋ جانە باقىلاۋ پروتسەسىن اۆتوماتتاندىرۋ، قۇقىق بۇزۋشىلىقتى جاساۋ فاكتىلەرىنە دەن قويۋ ساپاسى مەن جەدەلدىگىن ارتتىرۋ جانە ولاردان ساقتاندىرۋ تۋرالى جاڭا اقپارات كوزدەرىن ەنگىزۋ ماقساتىندا ازىرلەندى.

پايدالانۋشى جەكە كابينەتتە تاعايىندالعان جاۋاپتى لاۋازىمدى اداممەن جاسىرىن حات الماسۋ، مارتەبەسى مەن جاۋاپتاردى قاداعالاي الادى. ءوتىنىش مارتەبەسىنىڭ وزگەرگەنى، جاۋاپتى لاۋازىمدى ادامنىڭ تاعايىندالعانى جانە ونىڭ جاۋاپتارى تۋرالى وزەكتى دەرەكتەر ەلەكتروندى پوشتاعا كەلىپ تۇسەدى. پايدالانۋشىلارعا ىڭعايلى بولۋ ءۇشىن جەكە كابينەتتە ديالوگتاردى ىزدەۋگە جانە رەتتەۋگە بولادى.

 

«ەگەمەن-اقپارات»

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار