ايماقتار • 16 تامىز، 2021

الماتىعا ازىق-ت ۇلىكتى جەدەل جەتكىزەدى

20 رەت كورسەتىلدى

ەكى ميلليوننان استام حالقى بار مەگاپوليس قىمباتشىلىق، قۋاڭشىلىق قىسپاعىنان شىعۋ ءۇشىن ناقتى قادامدارعا بارىپ وتىر. وسى اپتادا الماتى وبلىسىنىڭ وندىرۋشىلەرى الماتى قالاسىنا ازىق-ت ۇلىك ونىمدەرىن جەدەل جەتكىزۋ جونىندەگى مەموراندۋمدارعا قول قويدى.

 الماتى وبلىسىنىڭ ءىرى ساۋدا جەلىلەرى مەن تاۋار وندىرۋشىلەرى الماتىعا سيىر ەتىن، كۇنباعىس مايىن جانە كۇرىشتى تىكەلەي جەتكىزۋ تۋرالى كەلىسىپ وتىر. الماتى قالاسى اكىمىنىڭ ورىنباسارى ماقسات كيكيموۆتىڭ الماتى وبلىسىنا جۇمىس ساپارى بارىسىندا ىنتىماقتاستىق تۋرالى ءتيىستى مەموراندۋمدارعا قول قويىلدى.

الماتى قالاسىنىڭ كاسىپكەرلىك جانە ينۆەستيتسيالار باسقارماسى، «الماتى» اكك» اق، «جەتىسۋ» اكك، «رير» اق، «Magnum Cash&Carry»، «Small» ساۋدا جەلىلەرىنىڭ وكىلدەرى قۇرامىنداعى دەلەگاتسيا تالدىقورعان قالاسى مەن بالقاش اۋدانىنىڭ «جەتىسۋ ماجيكو» اگروكەشەنى» جشس، «دينارا Ranch» جشس، «اگروفيرما بىرلىك» جشس، «تامشى-بۇلاق» جشس كاسىپورىندارى مەن ءىرى شارۋا قوجالىقتارىنا بارىپ، وندا الەۋمەتتىك ماڭىزى بار ازىق-ت ۇلىك تاۋارلارىن بەلگىلەنگەن باعامەن جەتكىزۋ تۋرالى كەلىسىمدەرگە قول جەتكىزىلدى.

بۇل شارالار مەملەكەت باسشىسىنىڭ الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ جونىندەگى تاپسىرماسىمەن ۇيلەسەدى. كەزدەسۋ بارىسىندا الماتى وبلىسىنىڭ تاۋار وندىرۋشىلەرىنە مەملەكەتتىك قولداۋ تەتىكتەرى، اتاپ ايتقاندا، وندىرىلەتىن ءونىمنىڭ وزىندىك قۇنىن تومەندەتۋگە جانە حالىق ءۇشىن تاۋارلاردىڭ قولجەتىمدىلىگىن ارتتىرۋعا ءتيىس اينالىم قاراجاتىن تولىقتىرۋعا ارنالعان جەڭىلدىكتى نەسيە­لەر ۇسىنىلدى.

«قازىر مەگاپوليستىڭ ازىق-ت ۇلىك قاۋىپسىزدىگىن قامتاماسىز ەتۋ جۇمىستارى بەلسەندى ءجۇرىپ جاتىر. بۇل – ەرەكشە باقىلاۋدا تۇرعان ستراتەگيالىق ماڭىزدى ماسەلە. ماۋسىم ايىندا ءبىز كوكونىس، قانت، ءسۇت جانە ءسۇت ونىمدەرىن، قۇس ەتىن، جۇمىرتقا، ماكارون ونىمدەرىن تىكەلەي جەتكىزۋ بويىنشا كەلىسىمدەر جاساستىق. بۇگىن ءبىز سيىر ەتىن، ماي مەن كۇرىشتى تىكەلەي جەتكىزۋ تۋرالى كەلىسىمگە كەلدىك. قابىلدانعان شارالاردىڭ ارقاسىندا شىلدە ايىنىڭ باسىنان باستاپ تۇتىنۋ باعالارى يندەكسىنىڭ 0،7%-عا تومەندەۋى بايقالدى، بۇل رەسپۋبليكا بويىنشا الماتى قالاسىن 9 تارماققا، 10-نان 19-ورىنعا تومەندەتۋگە مۇمكىندىك بەردى»، دەيدى الماتى قالاسى اكىمىنىڭ ورىنباسارى م.كيكيموۆ.

الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ ءۇشىن الماتىنىڭ 7 نەگىزگى ازىق-ت ۇلىك بازا­رىن­دا الەۋمەتتىك دۇكەندەر («كوك بازار»، «جاڭا اقبۇلاق» (كوتەرمە ساۋدا)، «سارى-ارقا»، «تاستاق»، «تاۋسامالى»، «الماتى-1»، «تۇركسىب» جارمەڭكەسى) جۇمىس ىستەيدى. وندا ورتاشا نارىقتىق باعادان تومەن باعامەن 10 ءتۇرلى ءامات ونىمدەرى (كارتوپ، ءسابىز، پياز، قىرىققابات، قانت، قاراقۇمىق، كۇنباعىس مايى، كۇرىش، روجكي، ۇن) ساتىلادى. الداعى ماۋسىمارالىق كەزەڭگە، ياعني بيىلعى قىركۇيەكتەن 2022 جىلعى ساۋىرگە دەيىن الماتى اكىمدىگى 22 مىڭ توننا كوكونىستى «شۇعىل» ساتىپ الۋ شارتىن جاسادى.

 

الماتى

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار