سپورت • 16 تامىز، 2021

وليمپيادانى قورىتىندىلادى

46 رەت كورسەتىلدى

قازاق سپورتشىلارى ءۇشىن اسا ءساتتى بولا قويماعان توكيو وليمپياداسىنىڭ قورىتىندىسى الداعى قىركۇيەك ايىنىڭ سوڭىنا قاراي شىعارىلىپ، ءارى قاراي پاريج وليمپياداسىنا دايىندىق باستالادى. بۇل تۋرالى ۇلتتىق وليمپيادا كوميتەتىنىڭ باس حاتشىسى اندرەي كريۋكوۆ ورتالىق كوممۋنيكاتسيالار قىزمەتىندە وتكەن بريفينگ بارىسىندا مالىمدەدى.

 باس حاتشى وليمپيا ويىندا­رىنداعى ناتيجەلەرگە قاراماستان، ءاربىر سپورتشىمىزدىڭ جەتىستىگىن ماقتان تۇتاتىنىن جەتكىزدى. سون­داي-اق ا.كريۋكوۆ توكيو وليم­­پياداسىنداعى قازاقستان قۇرا­ماسىنىڭ ساتسىزدىگىنە 10 قىر­كۇيەككە دەيىن تالداۋ جاسالاتىنىن ايتتى.

– الداعى اپتالاردا ۇلت­تىق وليمپيادا كوميتەتى رەس­پۋب­لي­كالىق فەدەراتسيالارمەن ءارى ما­دەنيەت جانە سپورت مينيستر­لىگىمەن بىرلەسىپ وليمپيا ويىن­دارىنداعى ۇلتتىق قۇراما كو­ماندالارىنىڭ ناتيجەسى مەن دايىن­دىعىنا قاتىستى تالداۋ جۇمىسىن جۇرگىزەدى. 10 قىر­كۇيەككە دەيىن سپورت فەدەراتسيالارى وليمپيادا بويىنشا ناقتى ەسەپتى ۇسىنادى. وندا سپورتشىلاردىڭ ءساتتى نەمەسە ناتيجەسىز ونەر كورسەتۋى ماسە­لەسىنە قاتىستى تالداۋ بولادى. قىركۇيەكتىڭ سوڭىنا قاراي ءبىز سوڭعى قورىتىندىنى شىعارامىز. وسىدان كەيىن قاتەلىكتەردى تۇزەتۋ مەن كەلەسى وليمپيادالىق تسيكلگە دايىندىق جۇمىستارى باستالادى، – دەدى ۇلتتىق وليمپيادا كوميتەتىنىڭ باس حاتشىسى.

ال جيىنعا قاتىسقان مادەنيەت جانە سپورت ۆيتسە-ءمينيسترى ەرلان قوجاعاپانوۆ ەلىمىزدە سپورت تۇرلەرىن قارجىلاندىرۋ تەتىگىنە كەڭىنەن توقتالدى. ول سپورت تۇرلەرىنەن بيۋدجەت قاراجاتىنىڭ اشىقتىعى مەن تەڭگەرىمدى ءبولۋدى قامتاماسىز ەتۋ ماقساتىندا 2017 جىلى زاڭناماعا سپورت تۇرلەرىن سارالاۋ تۇسىنىگى ەنگىزىلگەنىن، سول ەرەجەگە سايكەس جۇرگىزىلگەن سارالاۋ راسىمدەرى ناتيجەسى بويىنشا الداعى ەكى جىلعا باسىمدىق بەرىلەتىن سپورت تۇرلەرىنىڭ تىزبەسى بەكىتىلەتىنىن جەتكىزدى.

– سارالاۋ كورسەتكىشتەرىن اي­قىن­داۋدىڭ نەگىزگى كريتەريلەرىنە جارىستاردا ءتيىستى سپورت ءتۇرى بويىنشا سپورتشىلاردىڭ جەتىستىكتەرى، ماتەريالدىق-تەح­ني­كالىق بازانىڭ بولۋى، ءوڭىر­دىڭ كليماتتىق جاعدايىنا ساي سپورت تۇرلەرى ەرەكشەلىكتەرى جاتادى. وسىنىڭ ناتيجەسىندە سپورت تۇرلەرى نەگىزگى ءۇش توپقا بولى­نەدى. ءبىرىنشىسى – دامىعان سپورت تۇرلەرى، ەكىنشىسى – جوعارى الەۋەت­كە يە سپورت تۇرلەرى، ءۇشىن­شىسى – دامۋدىڭ تومەن الەۋە­تىنە يە سپورت تۇرلەرى. وسى ارقى­لى قازىرگى كەزدە سپورتتى قارجى­لاندىرۋدىڭ مودەلى ازىر­لەندى. بۇل ءوز كەزەگىندە رەس­پۋبليكالىق دەڭگەيدە قاراجاتتى وبەكتيۆتى بولۋگە كەپىلدىك بەرەدى، – دەدى ۆيتسە-مينيستر.

قازاقستان بوكس فەدەرا­تسيا­سىنىڭ باپكەرلىك ماسەلەلەر جونىندەگى ۆيتسە-پرەزيدەنتى باقتيار ارتاەۆ بوكسشىلاردىڭ توكيو تورىندە كورسەتكەن نا­تي­جەسىن ساتسىزدىككە بالاپ، الداعى ۋاقىتتا بوكستان ۇلتتىق قۇرا­مانىڭ قۇرامى 80 پايىزعا دەيىن جاڭاراتىنىن ايتتى.

– توكيو وليمپياداسىندا ءبىز ريوداعى ناتيجەنى قايتالاي المادىق. برازيليادا بوكسشىلارىمىز ءبىر التىن، ەكى كۇمىس، ءبىر قولا مەدال جەڭىپ العان بولسا، بيىل بۇيىرعانى ەكى قولا عانا بولدى. وسىعان بايلانىستى الداعى ۋاقىتتا ساراپتاما جۇرگىزەمىز. قازاننىڭ سوڭىندا سەربيانىڭ باس شاھارى – بەلگرادتا الەم چەمپيوناتى وتەدى. سول الەم بىرىنشىلىگىنە مۇلدەم جاڭارعان قۇرام بارۋى مۇمكىن. سونىمەن قاتار قۇراماعا قازىرگى تاڭدا كاسىپقوي بوكستا ءتاۋىر ونەر كورسەتىپ جۇرگەن جىگىت­تەر دە كەلۋگە دايىن ەكەنىن جەتكىزدى. ەندى كىمدەر ءبىرىنشى وقۋ-جاتتىعۋ جيىنىنا كەلىپ دايىن­دىققا كىرىسەدى، سول بوكسشى­لار الەم چەمپيوناتىندا جۇدى­رىق­تاسۋعا مۇمكىندىك الادى، – دەدى ب.ارتاەۆ.

سونىمەن قاتار قازاقستان گرەك-ريم، ەركىن جانە ايەلدەر كۇرەسى فەدەراتسياسىنىڭ ۆيتسە-پرە­زيدەنتى گيۋ­زەل مانيۋروۆا قازاقستاندىق سپورت­شىلاردىڭ وليمپياداداعى ونە­رىنە قاتىستى پىكىر ءبىلدىردى.

گ.مانيۋروۆانىڭ ايتۋىنشا، ايەلدەر كۇرەسى ناتيجەسىن بولجاۋ مۇمكىن ەمەس جانە ستاتيس­تيكا شىعارۋ وڭاي بولمايدى. «سون­دىقتان ايەلدەر كۇرەسىنە قا­تىستى ناقتى بولجام جاساۋ قيىن، ياعني جۇلدەلى ورىننان كورى­نۋى ءتيىس سپورتشىلار سەنىمدى اقتا­مادى. بۇل رەتتە ساتسىزدىك، ءوز كۇشىن دۇرىس باعالاماۋ، 5 جىل بويى سپورتشىلارعا تۇسكەن پسيحو­لوگيالىق قىسىم بىزگە تەرىس ناتيجە بەردى»، دەدى گ. مانيۋروۆا.

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار