«ەسىرتكى جەتكىزۋ جانە وتكىزۋ ارناسىنىڭ جولىن كەسۋگە باعىتتالعان جەدەل-ىزدەستىرۋ ءىس-شارالارىن جۇرگىزۋ بارىسىندا 37 جاستاعى ەر ادامنان سالماعى ەكى كيلوگرامم «گاشيش» ەسىرتكىسى تابىلدى. ودان ءارى تۇرعىلىقتى جەرى بويىنشا ءتىنتۋ بارىسىندا ارنايى جابدىقتالعان يتتەر ۇيشىگىندە سالماعى 34 كيلوگرامنان اساتىن «گاشيش» سالىنعان ەكى پوليەتيلەن پاكەت تاركىلەندى», دەپ حابارلادى ەلوردالىق پوليتسيادان.
ناتيجەسىندە, اتالعان ەسىرتكى ءتۇرىنىڭ 36,3 كيلوگرامى تاركىلەندى, بۇل 73 مىڭنان استام ءبىر رەتتىك دوزانى قۇرايدى.
«قر قك 297-بابى 3-بولىگى (ەسىرتكى زاتتارىن وتكىزۋ ماقساتىندا زاڭسىز ساتىپ الۋ, ساقتاۋ, تاسىمالداۋ) بويىنشا قىلمىستىق ءىس قوزعالدى. بۇل باپ قىلمىسكەردىڭ مۇلكىن تاركىلەپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى. ۇستالعان ازامات ۋۇي-عا قاماۋعا الىنىپ, تەرگەۋ امالدارى جۇرگىزىلۋدە», دەپ ناقتىلادى قالالىق پد ءباسپاسوز قىزمەتى.
