الداعى اپتالاردا قر ۇوك رەسپۋبليكالىق فەدەراتسيالارمەن جانە مينيسترلىكپەن بىرلەسىپ, قازاقستان قۇراماسىنىڭ سوڭعى وليمپيادا ويىندارىنا قاتىسۋى مەن ونىڭ ناتيجەسىن تالداۋ بويىنشا جۇمىستار جۇرگىزەدى.
«10 قىركۇيەككە دەيىن سپورت فەدەراتسيالارى ۇسىنىستار مەن تابىستى نەمەسە ءساتسىز ويىننىڭ سەبەپتەرىن تالداي وتىرىپ, وليمپيادا ويىندارىنا قاتىسۋ تۋرالى تولىق ەسەپ بەرەدى. قىركۇيەك ايىنىڭ سوڭىنا قاراي ءبىز قورىتىندى شىعارىپ, قاتەلىكتەردى تۇزەتۋ مەن كەلەسى وليمپيادالىق تسيكلگە دايىندىق بويىنشا جاڭا جۇمىس جۇيەسى باستالادى», دەدى كريۋكوۆ.
سونداي-اق اندرەي كريۋكوۆ بيىل قازاقستان نامىسىن توكيو وليمپياداسىندا قورعاعان سپورتشىلاردىڭ پاندەميا كەزەڭىندە تاباندى دايىندالىپ, بۇعان دەيىنگى سپورتشىلاردىڭ مۇنداي كۇردەلى سيتۋاتسياعا تۇسپەگەنىن اتاپ ءوتتى.
«توكيوعا ادەتتەگىدەن 100 ادام از باردى. قازاقستان رەسپۋبليكاسىنىڭ دەلەگاتسياسى 196 ادامدى قۇرادى. ونىڭ ىشىندە 157 سپورتشى مەن جاتتىقتىرۋشى, 20 كەشەندى مامان, عىلىمي توپتار, شتابتاردان 9 ادام جانە 4 مامان دوپينگكە قارسى باقىلاۋدى قامتاماسىز ەتۋگە تارتىلدى», دەدى قر ۇوك باس حاتشىسى اندرەي كريۋكوۆ.
