«2021 جىلعى 1 ناۋرىزدان باستاپ ەلەكتروندى ەڭبەك بيرجاسى جاڭارتىلعان فورماتتا جۇمىس ىستەي باستادى. پورتالدىڭ ديزاينى مەن ناۆيگاتسياسى جەتىلدىرىلىپ, بوس جۇمىس ورىندارى مەن تۇيىندەمەلەردى ىزدەۋ كەڭەيتىلە ءتۇستى. 1 شىلدەدە ەۋرازيالىق ەكونوميكالىق وداق ەلدەرىندە «شەكاراسىز جۇمىس» بىرىزدەندىرىلگەن ىزدەۋ جۇيەسى پايدالانۋعا ەنگىزىلدى. بۇل حالىقارالىق ىزدەۋ جۇيەسى ەاەو-نىڭ بارلىق ەلدەرىندەگى بوس جۇمىس ورىندارى مەن جۇمىس ىزدەۋشىلەر تۋرالى اقپارات الۋعا مۇكىندىك بەرەدى. قازاقستاننىڭ ەلەكتروندىق ەڭبەك بيرجاسىنان باسقا پلاتفورماعا ارمەنيا, بەلارۋس, قىرعىزستان جانە رەسەيدىڭ جۇمىسپەن قامتۋ جانە جۇمىسقا ورنالاستىرۋ سالاسىنداعى اقپاراتتىق جۇيەلەرى قوسىلعان», دەپ ءتۇسىندىردى داۋلەت ارعىندىقوۆ.
ونىڭ ايتۋىنشا, ەلەكتروندى ەڭبەك بيرجاسىنىڭ بازاسىندا كەلەشەكتە بىرنەشە سەرۆيستى بىرىكتىرەتىن بىرىڭعاي تسيفرلىق پلاتفورمالار جاسالماق.
«بيرجانى ودان ءارى دامىتۋ تۇجىرىمداماسى ونىڭ نەگىزىندە بىرقاتار سەرۆيستەردى بىرىكتىرەتىن بىرىڭعاي تسيفرلىق پلاتفورما – skills.enbek.kz بىرىڭعاي ءبىلىم بەرۋ پورتالىن, business.enbek.kz كاسىپكەرلىك باستامالاردىڭ بىرىڭعاي تەرەزەسىن, قاشىقتان جۇمىس ىستەيتىن ماماندارعا (فريلانسەرلەرگە) ارنالعان پلاتفورما قۇرۋدى كوزدەيدى. 2021 جىلدىڭ شىلدە ايىندا skills.enbek.kz ونلاين وقىتۋ الاڭى ىسكە قوسىلدى. «ەڭبەك بيزنەس» كىشى جۇيەسىن ىسكە قوسۋ جوسپارلانۋدا, ول پروتسەستى اۆتوماتتاندىرۋعا جانە ازاماتتاردان مەملەكەتتىك قولداۋ شارالارىن الۋعا – «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋعا, جاڭا بيزنەس-يدەيالاردى ىسكە اسىرۋعا ميكروكرەديتتەر نەمەسە مەملەكەتتىك گرانتتار الۋعا ونلاين وتىنىمدەردى قابىلداۋعا ارنالعان», دەدى داۋلەت ارعىندىقوۆ.
