ەسكە سالايىق, قۇجاتتاردى قابىلداۋ 4 مامىردا باستالدى جانە 2021 جىلدىڭ 28 قازانىنا دەيىن جالعاسادى.
شاكىرتاقى تاعايىنداۋ ءۇش كەزەڭنەن تۇرادى: ماۋسىم, تامىز جانە قاراشا. ەكىنشى كەزەڭ كۆوتاسى 250 ستيپەنديا, ال ءۇشىنشى كەزەڭدىكى - 205 ستيپەنديا.
2021 جىلى «بولاشاق» باعدارلاماسى بويىنشا وقۋعا 1055 ستيپەنديا ءبولىندى. ونىڭ ىشىندە 555 ستيپەنديا ماگيستراتۋراعا, رەزيدەنتۋراعا, دوكتورانتۋراعا جانە ينتەرناتۋراعا بولىنەدى.
«عالىمدار» تاعىلىمداماسىنىڭ جاڭا ساناتى بويىنشا 500 ستيپەنديا تاعايىندالادى. ەستەرىڭىزگە سالا كەتەيىك, قر پرەزيدەنتى قاسىم-جومارت توقاەۆتىڭ تاپسىرماسىمەنس جىل سايىن 500 عالىمعا الەمنىڭ جەتەكشى عىلىمي ورتالىقتارىندا تاعىلىمدامادان وتۋگە مۇمكىندىك بەرۋ ماقساتىندا قۇرىلعان.
قۇجاتتاردى قابىلداۋ جانە «بولاشاق» حالىقارالىق ستيپەندياسىن تاعايىنداۋ ءۇشىن كونكۋرستىق ىرىكتەۋ پروتسەسى تولىق اۆتوماتتاندىرىلعان جانە eGov.kz مەملەكەتتىك قىزمەتتەر پورتالى ارقىلى جۇزەگە اسىرىلادى.
ايتا كەتەرلىگى, 2021 جىلى «بولاشاق» باعدارلاماسى بويىنشا باسىم ماماندىقتار تىزىمىندە اكادەميالىق دايىندىق بويىنشا 80 ماماندىق جانە تاجىريبەدەن ءوتۋ ءۇشىن 137 ماماندىق قاراستىرىلعان. تىزىمگە «ينكليۋزيۆتى ءبىلىم», «ۆيرۋسولوگيا», «ۋربانيستيكا», «جاڭا ماتەريالدار تەحنولوگياسى» سياقتى ماماندىقتار ەنگەن.
بيىل «يننوۆاتسيا جانە جاڭا تەحنولوگيالار», «ونەركاسىپتىك ينجەنەريا», «جاراتىلىستانۋ», «الەۋمەتتىك عىلىمدار», ء«بىلىم», «مەديتسينا» جانە «شىعارماشىلىق يندۋستريا» سياقتى باعىتتار باسىمدىققا يە.
