ساياسات • 13 تامىز، 2021

جاستار ماسەلەلەرى – ساراپتاما الاڭىندا

25 رەت كورسەتىلدى

«جاستار» عىلىمي-زەرتتەۋ ورتالىعى Jastar: ózekti másele ساراپتامالىق الاڭىنىڭ كەزەكتى وتىرىسى حالىقارالىق جاستار كۇنىنە ورايلاستىرىپ وتكىزدى. ءىس-شارا اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ قولداۋىمەن ۇيىمداستىرىلدى.

 بۇل جولعى تالقىلاۋ «زاماناۋي جاستار: پروبلەمالارى، قاجەتتىلىكتەرى، تەندەنتسيالارى» تاقىرىبى اياسىندا ءوربىدى.

كوروناۆيرۋس پاندەمياسى ءالى دە جالعاسىپ جاتقان الەمدە، اسىرەسە، جاستار ءتۇرلى سىن-قاتەر مەن پروبلەمالارعا كەزىگىپ ءجۇر. وسى رەتتە جاستاردىڭ الەۋمەتتىك، ەكونوميكالىق جانە وزگە دە ماڭىزدى باعىتتار بو­يىنشا قاجەتتىلىكتەرى مەملەكەت تاراپىنان قا­ناعاتتاندىرىلىپ كەلەدى. الايدا جاستاردىڭ ورنىقتى دامىپ، ءوزىن ودان ءارى جەتىلدىرۋىنە قولايلى جاعداي جاساۋ ءۇشىن جاستار ارا­سىنداعى وزەكتى تەندەنتسيالار ءاردايىم سارالانىپ تۇرۋى قاجەت.

ساراپتامالىق الاڭىنداعى تالقىلاۋعا قاتىسقان اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى ش.بايمانوۆ پەن پارلامەنت ءماجىلىسىنىڭ دەپۋتاتى م.احمەتوۆ جاستار اراسىنداعى قازىرگى پروبلەمالار ءاردايىم مەملەكەت نازارىندا جانە ولاردى شەشۋ باعىتىنداعى ءىس-شارالار جالعاسا بەرەتىنىن باسا ايتتى.

تاعى ءبىر ايتا كەتەر جايت، باسقوسۋ بارىسىندا «جاستار» عزو ديرەكتورى ا.ساكو­شەۆ مەملەكەت باسشىسىنا جىل سايىن ەنگى­زىلەتىن «قازاقستان جاستارى» ۇلتتىق بايان­دا­ماسىنىڭ نەگىزى بولاتىن 2021 جىلى جۇر­گىزىلگەن الەۋ­مەتتىك زەرتتەۋدىڭ ناتيجە­لەرىن ۇسىندى. زەرت­تەۋ قورىتىندىسى وت­كەن جىلعى ناتيجەمەن سالىستىرعاندا بىرقاتار وزگەرىس بولعانىن كورسەتتى.

ساراپتامالىق الاڭدا، سونىمەن قاتار پار­لامەنت سەناتى جانىنداعى جاس ساراپشىلار كلۋبىنىڭ مۇشەسى ج.ىسقاقوۆا «جاستاردىڭ قۇندىلىق باعدارى»، ساياسات جونىندە كونسۋلتانت د.ايكەنوۆا «قازىرگى جاستاردىڭ مىنەز-قۇلقىنىڭ ۇلگىلەرى»، Jas Otan جق توراعاسىنىڭ ورىنباسارى ا.بۇر­كىتالين «جاستاردى جۇمىسپەن قامتۋ ماسە­لەلەرى» جانە «جاس ۇلان» رقب ءتورايىمى د.سادۋاقاسوۆا «جاستار ورتاسىنداعى بۋللينگ جانە لۋدومانيا ماسەلەلەرى» تاقىرىپتارى بويىنشا ءوز پىكىرلەرىن، ناقتى  ۇسىنىستارىن ءبىلدىردى.

Jastar: ózekti másele ساراپتامالىق الاڭى كەزەكتى وتىرىسىنىڭ قورىتىندىسى بو­يىنشا مەملەكەتتىك قىزمەتكەرلەر، ساراپشىلار، ۇەۇ وكىلدەرى جانە وزگە دە قاتىسۋشىلار تاراپىنان بەرىلگەن قولدانبالى ۇسىنىستار ءتىزىمى قالىپتاستىرىلدى.

ءىس-شارا بارلىق سانيتارلىق نورمالارعا ساي ونلاين جانە وفلاين فورماتتاردا
ءوتتى.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار