وبلىستا اۋىل ادامدارىنىڭ سانى ازايۋ باعىتىنان تانار ەمەس. سوڭعى بەس جىل ىشىندە وڭىردەگى اۋىلدىق ەلدى مەكەندەردىڭ حالقى 4,5 پايىزعا كەمىگەن, بۇل 20 مىڭداي ادام دەگەن ءسوز. ال, ول وبلىستاعى ءىرى ءبىر اۋداننىڭ حالقىمەن پارا-پار. اۋىلدان كوش توقتاعان جوق. بىلتىر عانا اۋىلدان كەتكەندەردىڭ قاراسى 0,5 پايىزدى قۇراعان. قازىر قوستاناي وبلىسىندا قالاداعىلاردىڭ سانى 454400 ادام, ياعني وبلىستاعى بارلىق حالىقتىڭ 51,6 پايىزى, ال اۋىلداعىلاردىڭ سانى 426530, ياعني بارلىق قوستانايلىقتاردىڭ 48,4 پايىزىن قۇرايدى.
وبلىستا اۋىل ادامدارىنىڭ سانى ازايۋ باعىتىنان تانار ەمەس. سوڭعى بەس جىل ىشىندە وڭىردەگى اۋىلدىق ەلدى مەكەندەردىڭ حالقى 4,5 پايىزعا كەمىگەن, بۇل 20 مىڭداي ادام دەگەن ءسوز. ال, ول وبلىستاعى ءىرى ءبىر اۋداننىڭ حالقىمەن پارا-پار. اۋىلدان كوش توقتاعان جوق. بىلتىر عانا اۋىلدان كەتكەندەردىڭ قاراسى 0,5 پايىزدى قۇراعان. قازىر قوستاناي وبلىسىندا قالاداعىلاردىڭ سانى 454400 ادام, ياعني وبلىستاعى بارلىق حالىقتىڭ 51,6 پايىزى, ال اۋىلداعىلاردىڭ سانى 426530, ياعني بارلىق قوستانايلىقتاردىڭ 48,4 پايىزىن قۇرايدى.
كوشى-قوننىڭ توقتاماۋى اۋىل حالقىنىڭ ازايۋىنا باستى سەبەپ بولىپ وتىر. ەڭ الدىمەن, اۋىلدان قالاعا كوش تىيىلار ەمەس. ونىڭ سىرتىندا كورشى رەسەيگە جۇكتەرىن بۋىپ جاتقاندار دا از ەمەس. مىسالى, وتكەن 2013 جىلدىڭ قاڭتار-قاراشا ايلارىندا اۋىل-سەلودان 3787 ادام كوشىپ كەتكەن. ولاردىڭ ءبىر مىڭنان استامى شەتەلگە, 1320 ادام ەلىمىزدىڭ باسقا وبلىستارىنا, ال قالعاندارى قوستاناي وبلىسىنىڭ قالالى جەرلەرىنە قونىس اۋدارعان. 2009 جىلدان بەرى وبلىس وڭىرىندە 54 اۋىلدىڭ جۇرتى عانا قالدى.
وبلىس اۋداندارىنىڭ بارلىعىندا دەرلىك اۋىل ادامدارىنىڭ كوپ جىلدان بەرى كوشۋ تۋرالى ويى وزگەرمەگەن. تەك وبلىس ورتالىعىنىڭ ىرگەسىندەگى قوستاناي اۋدانىنا قاراستى اۋىلدار تۇرعىندارى وزدەرىن كوڭىلى ورنىققانداي سەزىنەدى. بۇل اۋدان حالقى تەك تابيعي وسىممەن عانا ەمەس, وبلىستىڭ وزگە اۋداندارىنان كوشىپ كەلگەندەر ەسەبىنەن كوبەيىپ كەلەدى. سەبەبى, الىس اۋداندار حالقىنىڭ بارلىعى دا قالا ماڭىنان ورىن تەپكەندى دۇرىس كورەدى.
ءنازيرا جارىمبەتوۆا,
«ەگەمەن قازاقستان».
قوستاناي.
