بۇل اكتسيا اۆتواۋەسقويلار مەن جاياۋ جۇرگىنشىلەردى تۇسىنىستىكپەن قاراۋعا جانە ارنايى كولىككە جول بەرۋگە شاقىردى, ويتكەنى بۇل بىرەۋدىڭ ءومىرىن ساقتاپ قالۋى مۇمكىن. ءتارتىپ ساقشىلارى جولدا كەدەرگى كەلتىرگەنى ءۇشىن جۇرگىزۋشىلەرگە 7 اەك-كە دەيىن ايىپپۇل سالىناتىنىن ەسكە سالدى.
2021 جىلدىڭ باسىنان باستاپ قۇتقارۋشىلار 3303 شاقىرتۋعا باردى. ونىڭ ىشىندە 469 وقيعا — ءورت, اۆاريالىق-قۇتقارۋ جۇمىستارى – 938 شاقىرتۋ. ورتتەن 54 ادام قۇتقارىلىپ, 7 ادام قازا تاپتى. وتكەن جىلمەن سالىستىرساق, بىلتىر ءورت سوندىرۋشىلەر 2387 شاقىرتۋعا شىققان.
ونىڭ ىشىندە ءورت – 331, اۆاريالىق-قۇتقارۋ جۇمىستارى – 695. ونىڭ باسىم بولىگى تۇرعىن ءۇي سەكتورىنا تيەسىلى.
ء«ورت شىققان جاعدايدا ءورت سوندىرۋشىلەر وقيعا ورنىنا 10 مينۋتتان كەشىكپەي جەتۋى ءتيىس. ال كولىك كەپتەلىسى جاعدايىندا جىلدام جەتۋ ەكىتالاي. قۇتقارۋشىلاردىڭ وقيعا ورنىنا جىلدام جەتۋى ادام ءومىرىن قۇتقارىپ قالۋعا اسەر ەتەدى. ءاربىر سەكۋند ماڭىزدى», دەپ اتاپ ءوتتى تجد.
ءورت سوندىرۋشىلەردىڭ ايتۋىنشا, جۇرگىزۋشىلەر جاۋاپكەرشىلىكتى سەزىنىپ, ارنايى كولىكتەردىڭ ءوتىپ كەتۋىنە جاردەم ەتەدى. بىراق جاياۋ جۇرگىنشىلەر اراسىندا سيرەن داۋسىنا ءمان بەرمەيتىندەرى دە بار ەكەن.
«جاعداي ءارتۇرلى. جاياۋ جۇرگىنشىلەر قۇلاققاپ تاعىپ الىپ جۇرەدى. تيىسىنشە ەشنارسە ەستىمەيدى, كورمەيدى. ءبىز ءدال جانىنا توقتاعان كەزدە عانا بايقايدى. سول سياقتى جۇرگىزۋشى وتكىزىپ جىبەرگىسى كەلەتىن, بىراق وڭعا نەمەسە سولعا بۇرىلۋىنا مۇمكىندىك بولمايتىن ساتتەر دە بار. وسىنداي كەزدە قارسى باعىتقا شىعۋعا ءماجبۇر بولامىز. تۇرعىن ءۇي اۋلالارىندا دا ۇلكەن پروبلەما بار. كولىكتەر رەتسىز قويىلا سالادى نەمەسە شلاگباۋمدار جابىق تۇرادى. وسى سەبەپتى ساعات 22:00-23:00-دەن كەيىن جەدەل جاردەم, ءورت ءسوندىرۋ كولىكتەرى قاجەتتى ۇيگە جەتە المايدى», دەدى №2 ءموسب بولىمشە كومانديرى, اعا سەرجانت دوستان جاكەنوۆ.
