كەڭەسكە مادەنيەت جانە سپورت ءمينيسترى ا. رايىمقۇلوۆا, سالالىق مينيسترلىكتەردىڭ, وڭىرلەر اكىمدىكتەرىنىڭ باسشىلارى جانە ت. ب. قاتىستى.
مەملەكەت باسشىسىنىڭ تاپسىرماسىنا سايكەس سپورت سالاسى ودان ءارى رەفورمالاۋدى تالاپ ەتەدى.
وسىعان بايلانىستى پرەمەر-ءمينيستردىڭ ورىنباسارى مەملەكەتتىك ورگانداردىڭ الدىنا بىرقاتار ماڭىزدى مىندەتتەر قويدى. بۇقارالىق جانە بالالار سپورتىمەن اينالىسۋدىڭ قولجەتىمدىلىگىن ارتتىرۋ ۇشىن حالىقتىڭ سپورتپەن شۇعىلدانۋىن كەمىندە 35% ناتيجەگە جەتكىزىپ (بۇگىنگى كۇنى – 31,6%), كورسەتكىشتەردى قايتا قاراۋ تاپسىرىلدى. ول ءۇشىن اكىمدىكتەرگە مەملەكەتتىك سپورتتىق تاپسىرىس كولەمىن ۇلعايتۋ, قوسىمشا بالالار مەن جاسوسپىرىمدەر كلۋبىن, بالالار-جەتكىنشەكتەر سپورت كلۋبىن اشۋ, مەكتەپ جانە ستۋدەنتتەر سپورت ليگاسىنىڭ جۇمىسىن قايتا باستاۋ ەسەبىنەن بالالارعا ارنالعان تەگىن سپورت سەكتسيالارىن كەڭەيتۋ تاپسىرىلدى.
سونداي-اق قوستاناي, اتىراۋ جانە ماڭعىستاۋ وبلىستارىندا سپورت مەكتەپ-ينتەرناتىنىڭ قۇرىلىسىن باستاۋ ماسەلەسىن شەشۋ تاپسىرىلدى. سپورت وبەكتىلەرىن ماتەريالدىق-تەحنيكالىق جاراقتاندىرۋ دەڭگەيىن ارتتىرۋ, وسى جىلدىڭ سوڭىنا دەيىن اكىمدىكتەرگە 43 دەنە شىنىقتىرۋ-ساۋىقتىرۋ كەشەنىنىڭ قۇرىلىسىن اياقتاۋ, Work-out الاڭدارى مەن باسقا دا شىعىنسىز سپورت عيماراتتارىنىڭ جەلىسىن كەڭەيتۋ تاپسىرىلدى. سپورت نىساندارىنىڭ تولىق جۇكتەلۋىنە ەرەكشە نازار اۋدارۋ ەسكەرتىلدى.
«Nur Otan» پارتياسىنىڭ مامانداندىرىلعان سپورت مەكتەپتەرى وقىتۋشىلارىنىڭ جالاقىسىن 2023 جىلعا دەيىن ەكى ەسە ارتتىرۋ, 2025 جىلعا دەيىن ءاربىر اۋىلدىق وكرۋگتى سپورت نۇسقاۋشىسىمەن قامتاماسىز ەتۋ جونىندەگى جول كارتاسى ءىس-شارالارىنىڭ ورىندالۋىن ەرەكشە باقىلاۋعا الۋدى تاپسىردى.
ۇزدىك حالىقارالىق تاجىريبەنى ەسكەرە وتىرىپ, كاسىبي سپورتشىلاردى, ونىڭ ىشىندە ۇلتتىق قۇراما كوماندالارىن دايارلاۋ تاسىلدەرىن قايتا قاراۋ جانە بۇقارالىق, كاسىبي سپورت ءۇشىن سپورت ماماندارىنىڭ (سپورت پسيحولوگتارى, بيومەحانيكتەر, بيوحيميكتەر, ديەتولوگتار جانە ت. ب.) تاپشىلىعىن شەشۋگە ارنالعان باعدارلاما ازىرلەۋ تاپسىرىلدى.
سپورتقا باعىتتالاتىن بيۋدجەتتىك جانە بيۋدجەتتەن تىس قاراجاتتىڭ ءتيىمدى جۇمسالۋىنا قاتاڭ باقىلاۋدى قامتاماسىز ەتۋ, 2025 جىلعا دەيىنگى دەنە شىنىقتىرۋ مەن بۇقارالىق سپورتتى دامىتۋ جونىندەگى قابىلدانعان كەشەندى جوسپاردى قايتا قاراۋ كەرەگى ءسوز بولدى.
بۇقارالىق جانە بالالار سپورتىن دامىتۋ ماسەلەلەرى ۇكىمەتتىڭ ەرەكشە باقىلاۋىندا بولادى.
