وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ اقپاراتىنا سۇيەنسەك, 11 تامىزدا «ۆاكتسينا ال دا, اقشا ۇتىپ ال» ۇتىس ويىنى ءتورتىنشى رەت ويناتىلدى. بۇل جولى دا 10 جەڭىمپاز انىقتالدى.
جەڭىمپازدىڭ ارقايسىسى 200 مىڭ تەڭگەنىڭ سەرتيفيكاتىنا يە بولدى. سولاردىڭ قاتارىنلا اتىراۋ قالاسىنىڭ تۇرعىنى نۇرلان قۋانىشەۆ تا بار. ءتورت بالانىڭ اكەسى «سپۋتنيك V» ۆاكتسيناسىنىڭ ءى كومپونەنتىن سالدىرعان.
«كوروناۆيرۋسقا قارسى ۆاكتسينانى 6 تامىزدا اتىراۋداعى №7 قالالىق ەمحانادا ەكتىرگەن ەدىم. كەزدەيسوقتىق پا, الدە ساتتىلىك پە, ءدال بۇگىن تۋعان كۇنىمدە ۇتىس يەسى اتانىپ وتىرمىن. بۇل حاباردى ەستىگەن جاقىندارىم دا قۋانىپ جاتىر», دەيدى ن.قۋانىشەۆ.
