كوروناۆيرۋس • 12 تامىز، 2021

Vero Cel ۆاكتسيناسى الماتىلىقتار ءۇشىن قاشان قولجەتىمدى بولادى؟

100 رەت كورسەتىلدى

الماتى دارىگەرلەرى Sinopharm قىتايلىق ۆاكتسيناسى قالا تۇرعىندارى ءۇشىن قاشان قولجەتىمدى بولاتىنىن ايتتى، دەپ حابارلايدى Egemen.kz Tengrinews.kz-كە سىلتەمە جاساپ.

قالالىق قوعامدىق دەنساۋلىق باسقارماسىنىڭ مالىمەتىنشە، جاقىندا قازاقستانعا Sinopharm قىتاي فارماتسەۆتيكالىق كەشەنى وندىرەتىن Vero Cell ۆاكتسيناسى كەلىپ ءتۇستى. پرەپارات پەكيننەن الماتىعا جەتكىزىلدى.

«قازىرگى ۋاقىتتا Vero Cell ۆاكتسيناسى «سك-فارماتسيا» قويماسىندا. ۆاكتسينا الماتى قالاسى قوعامدىق دەنساۋلىق باسقارماسىنىڭ قويماسىنا ءالى تۇسكەن جوق. ۆاكتسينا ەمحانالارعا تۇسكەن بويدا، حالىققا اقپارات بەرىلەتىن بولادى. ازاماتتاردىڭ تامىز ايىنىڭ ورتاسىندا ۆاكتسيناتسيالاۋ ءۇشىن اتالعان پرەپاراتقا قول جەتكىزۋى كۇتىلۋدە»،  دەپ حابارلادى ۆەدومستۆونىڭ ءباسپاسوز قىزمەتى.

بۇعان دەيىن حابارلانعانداي، الماتىعا Sinopharm كومپانياسىنان ءبىر ميلليون دوزا مولشەرىندە قىتايلىق Vero Cell ۆاكتسيناسىنىڭ ءبىرىنشى پارتياسىمەن ۇشاق كەلدى. قازاقستان اتالعان ۆاكتسينانىڭ ءتورت ميلليون دوزاسىن ساتىپ الدى.

وسى جىلدىڭ 7 مامىرىندا Vero Cell قىتايلىق ۆاكتسيناسىن دۇنيەجۇزىلىك دەنساۋلىق ساقتاۋ ۇيىمى ماقۇلداعان. شىلدەدە ول COVAX ۆاكتسينالار بانكىنە ەندى. ۆاكتسينا بەلسەندى ەمەس، ەكى دوزالى. ساقتاۋ مەرزىمى-24 اي.

ددۇ قاۋىپسىز جانە ءتيىمدى دەپ جىكتەلگەن العاشقى قىتاي پرەپاراتى 45 ەلدە ەرەسەكتەرگە ۆاكتسيناتسيالاۋعا رۇقسات ەتىلگەن. بۇگىنگى تاڭدا قىتايدان باسقا، ۆاكتسينا ءباا مەن سەربيادا وندىرۋگە ماقۇلداندى. سونىمەن بىرگە، قىتاي مەن ءباا ءۇش جاستان 17 جاسقا دەيىنگى بالالارعا ارنالعان Sinopharm قىتاي فارماكولوگيالىق كومپانياسىنىڭ يناكتيۆتەندىرىلگەن ۆاكتسيناسىن شۇعىل قولدانۋدى ماقۇلدادى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار