قۇرمەتتى وتانداستار!
بۇگىن ءبىز شىن مانىندە تاريحي وقيعانىڭ كۋاسى بولدىق. قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆ «قازاقستاندىق جول-2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن جاريا ەتتى.
قۇرمەتتى وتانداستار!
بۇگىن ءبىز شىن مانىندە تاريحي وقيعانىڭ كۋاسى بولدىق. قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆ «قازاقستاندىق جول-2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن جاريا ەتتى.
جولداۋ «قازاقستان-2050» ستراتەگياسىندا ايقىندالعان ەرەكشە اۋقىمدى مىندەتتەردى ىسكە اسىرۋ جولدارىن اشىپ, دامىتا تۇسەدى. ءبىز جولداۋ تاقىرىبى مەن «قازاقستان-2050» ستراتەگياسى: ءبىر حالىق – ءبىر ەل – ءبىر تاعدىر» اتتى مەملەكەت باسشىسىنىڭ قازاقستان حالقى اسسامبلەياسىنىڭ حح سەسسياسىنداعى ءسوزىنىڭ ساياسي بىرىزدىلىگىن كورەمىز.
بۇل زاڭدىلىق جانە ەلباسى قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ تۇراقتى جانە وركەندەگەن قازاقستاندى قالىپتاستىرۋ, قۋاتتى مەملەكەت, دامىعان ەكونوميكا جانە جالپىعا ورتاق ەڭبەك مۇمكىندىكتەرىن پايدالانا وتىرىپ, بەرەكەلى قوعام قۇرۋ جولىنداعى ساياسي باعىتىنىڭ بىرىزدىلىگىمەن نەگىزدەلەدى.
پرەزيدەنت جولداۋى قازاقستان حالقى ءۇشىن ۇلكەن ماڭىزعا يە بولدى. قازاق حالقىنىڭ مىڭداعان جىلعى تاريحي تاجىريبەسىنەن, تاۋەلسىزدىك جىلدارى ءجۇرىپ وتكەن قازاقستاندىق جولدان تۋىنداعان «ماڭگىلىك ەل» ۇلتتىق يدەياسى جاريا ەتىلدى.
ءبىر ماقسات – بۇل «ماڭگىلىك ەلدى» نىعايتۋ, ءبىزدىڭ وتانىمىز – قازاقستاننىڭ تاۋەلسىزدىگىن نىعايتۋ!
ءبىر مۇددە – بۇل ءبىزدىڭ ورتاق قۇندىلىقتارىمىز, ەركىن جانە وركەندەگەن ەلدە ءومىر سۇرۋگە دەگەن تالپىنىسىمىز!
ءبىر بولاشاق – بۇل ماڭگىلىك ەلدىڭ, ءبىزدىڭ ورتاق ءۇيىمىز – قازاقستان رەسپۋبليكاسىنىڭ وركەندەۋى!
قازاقستان حالقى اسسامبلەياسى جانە ءبىرتۇتاس ەلدىڭ ازاماتتارى «ماڭگىلىك ەل» پاتريوتتىق اكتىسىن ازىرلەۋ تۋرالى تاپسىرمانى ەرەكشە شابىتپەن قابىلدادى.
«ماڭگىلىك ەلدىڭ» جەتى قاعيداسى ءبىزدىڭ دامۋىمىزدىڭ ارقاۋلىق قۇندىلىقتارىن, قازاقستان حالقىنىڭ ورتاق مۇددەسى مەن تاريحي تاعدىرىن ايشىقتايدى.
ءبىز بۇنىڭ ەلباسى انىقتاعان مىندەتتەردى ورىنداۋداعى كۇشتى جۇمىلدىرۋشى باستاۋعا اينالاتىنىنا سەنىمدىمىز.
جولداۋدا پرەزيدەنت قازاقستاننىڭ الەمنىڭ دامىعان 30 ەلىنىڭ قاتارىنا ەنۋ جوسپارى جونىندە ايتتى.
وسى ماقساتتا مەملەكەت باسشىسى ءىجو-ءنى 4,5 ەسەگە, جان باسىنا شاققاندا 13 مىڭ اقش دوللارىنان 60 مىڭعا دەيىن كوبەيتۋدى تاپسىردى. سول كەزدە قازاقستان ورتا تاپتىڭ ۇلەسى كوپ ەلگە اينالادى.
ول ءۇشىن قازاقستان ەكونوميكالىق ىنتىماقتاستىق پەن دامۋ ۇجىمىنىڭ ستاندارتتارىن ەنگىزۋدى قولعا الىپ, ىشكى جالپى ءونىمنىڭ جىل سايىنعى ءوسۋىن 4%-دان كەم ەمەس پايىزعا, ينۆەستيتسيالار كولەمىن جالپى ءىجو كولەمىنە شاققاندا 18%-دان 30 %-عا دەيىن ءوسىرۋدى قامتاماسىز ەتۋ كەرەك. 2050 جىلى شيكىزاتتىق ەمەس ەكسپورت قازاقستان ەكسپورتىنىڭ جالپى قۇرىلىمىندا 70%-عا جەتۋى كەرەك.
اسسامبلەيا اۋىل شارۋاشىلىعى, گەوبارلاۋ, مۇناي وڭدەۋ سالالارىنداعى يننوۆاتسيالىق باستامالاردى ەرەكشە اتاپ وتەدى.
اسسامبلەيا عىلىم باعىتىن قارجىلاندىرۋدى 3%-دان كەم ەمەس دەڭگەيگە ءوسىرۋ, مادەني ساياساتتى دامىتۋ ماسەلەلەرىنىڭ كوتەرىلگەنىن قولدايدى.
باسقا ەلدەردە ەكونوميكالىق داعدارىستىڭ سالدارىنان الەۋمەتتىك كورسەتكىشتەردىڭ تومەندەپ بارا جاتقان كەزەڭىندە قازاقستاندا ازاماتتىق قىزمەتكەرلەردىڭ ەڭبەكاقىسىن كوتەرۋ حالىقتىڭ الەۋمەتتىك جاعدايىن جاقسارتۋدىڭ جاڭا كەزەڭى بولىپ وتىر.
ءبىز بۇل مىندەتتەردىڭ ناقتى ىسكە اسىرىلاتىنىنا سەنەمىز.
قازاقستان حالقى اسسامبلەياسى ەلباسىنىڭ بۇدان بۇرىن بەرگەن بارلىق تاپسىرمالارىنىڭ قازاقستان حالقى تاراپىنان تولىققاندى ورىندالعانىن ايتا وتىرىپ, وسىنىڭ بارلىعى ەلىمىزدىڭ جاراسىمدى بىرلىگى, نۇرسۇلتان نازارباەۆتىڭ تەڭدەسى جوق قوعامدىق كەلىسىم مودەلى ارقاسىندا جەتكەن جەتىستىك دەپ باعالايدى.
پرەزيدەنتتىڭ بۇگىنگى قويىپ وتىرعان مىندەتتەرى ەلىمىزدە جۇرگىزىلىپ جاتقان يندۋستريالىق-يننوۆاتسيالىق دامۋ, الەۋمەتتىك رەفورمالار, ءبىلىم مەن مادەنيەتتى قولداۋ جۇمىستارىنىڭ تيىمدىلىگىن ايقىندايدى.
قازاقستان حالقى اسسامبلەياسى ەلىمىزدىڭ ءار ازاماتىنا جانە بارشامىزعا ارنالعان قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جولداۋىن تولىعىمەن قولدايدى.
بۇگىنگى جولداۋدىڭ مىندەتتەرىن ىسكە اسىرۋ ەلىمىزدىڭ دامۋىنداعى بيىك جەڭىستەرگە جەتكىزەتىنىنە ءبىز سەنىمدىمىز.
«قازاقستان-2050» ستراتەگياسىن ورىنداۋ وتانىمىزدىڭ ءاربىر پاتريوتىنىڭ ازاماتتىق پارىزى مەن بورىشى دەپ بىلەمىز.
ءبىز قازاقستان حالقىن ەلباسى الدىمىزعا قويعان ۇلى مىندەتتەردى ىسكە اسىرۋ, قاسيەتتى قازاق جەرىندە پاراساتتى قوعام قۇرۋ ماقساتتارى اينالاسىندا ۇيىسۋعا, جۇدىرىقتاي جۇمىلۋعا شاقىرامىز!
قازاقستان حالقى اسسامبلەياسى.
