ءدارىسحانانى قۇرۋ يدەياسىن وقۋ ورنىنىڭ باسشىلىعى قولدادى. اكادەميا باستىعىنىڭ اسكەري-ساياسي جۇمىس جونىندەگى ورىنباسارى, پولكوۆنيك اندرەي ەرەمين ۇلى وتان سوعىسىنداعى جەڭىسكە قول جەتكىزۋدە قازاقستاندىق جاۋىنگەرلەردىڭ وراسان زور ۇلەس قوسقانىن اتاپ ءوتتى.
ماگيستراتۋرا تىڭداۋشىلارىنىڭ اتىنان ءسوز سويلەگەن پودپولكوۆنيك باقىتجان ۇسىباليەۆ داڭقتى ۇشقىشتىڭ ءومىرى مەن ەرلىكتەرى تۋرالى دەرەكتەر ايتتى.
الماتى قالاسىنىڭ ورتالىق مەملەكەتتىك ارحيۆىنەن دارىسحاناعا ارنالعان ەكسپوناتتار, اتاپ ايتقاندا, تالعات بيگەلدينوۆتىڭ مەملەكەتتىك ناگرادالارىن قوسا العاندا, ونىڭ جەكە زاتتارى, يل-2 ۇشاعىنىڭ ماكەتى, «التىن جۇلدىز» مەدالدارى مەن ناگرادتاۋ قۇجاتتارىنىڭ كوشىرمەلەرى, ارحيۆتىك فوتوسۋرەتتەرى بەرىلدى.
داڭقتى ۇشقىشتىڭ تۋعان كۇنىندە اقتوبە قالاسىنداعى اۋە قورعانىسى كۇشتەرىنىڭ اسكەري ينستيتۋتىندا ەسكە الۋ ءىس-شارالارى بولىپ ءوتتى. اسكەري قىزمەتشىلەر ەكى مارتە كەڭەس وداعىنىڭ باتىرى تالعات بيگەلدينوۆتىڭ مۇسىنىنە گۇل شوعى سالىنعان سەبەتتەر قويدى.
