«ۋنيۆەرسيادا-2017 الماتى» اتقارۋشى ديرەكتسياسى» مەملەكەتتىك قورى گيننەستىڭ رەكوردتار كىتابىنا ەنەتىن ءىس-شارانى وتكىزەتىنى جونىندە مالىمدەدى.
سەنبى, 18 قاڭتار كۇنى ساعات 11:00-دە الماتى قالاسىنداعى «مەدەۋ» سپورت كەشەنىندە كونكي تەبۋدى ۇيرەنۋگە نيەت بىلدىرگەن 500 جاس جەتكىنشەك بىرىگىپ مۇزعا شىعادى. مۇنداي شارا الەمدە العاشى رەت وتكىزىلگەلى تۇر.
اتالمىش ءىس-شارانىڭ ماقساتى سالاۋاتتى ءومىر سالتىن ناسيحاتتاپ, جاستاردى بەلسەندىلىكتى ارتتىراتىن دەمالىس تۇرلەرىنە تارتۋ بولىپ تابىلادى. ونى وتكىزگەن سوڭ «مەدەۋ» مۇز ايدىنى الەمدەگى ەڭ ۇلكەن سۇرانىسقا يە كىتاپتاردىڭ ءبىرى – گيننەستىڭ رەكوردتار كىتابىنا ەنىپ, تاريحتا قالادى دەپ كۇتىلۋدە.
ايدار ورىسباەۆ.
فوتو: Bankoboev.ru
