زاڭ تالابىنىڭ ورىندالۋى قاي كەزەڭدە دە ءوز ماڭىزىن جويماعان. بىراق, قىلمىستىڭ ورىن الۋى ءار جىلدارى ارقيلى سيپات الىپ وتىر. ماسەلەن, قىزىلوردا وبلىسىنىڭ جاڭاقورعان اۋدانىندا وتكەن جىلمەن سالىستىرعاندا, ءتۇرلى دەڭگەيدەگى قىلمىس 17,6 پايىزعا (448-دەن 527-گە) وسكەن. بۇل جەردە ۇرلىققا قاتىستى قىلمىستىڭ سانى باسىم بولىپ تۇر.سونىمەن بىرگە, قوعامدىق ورىندا جاسالعان قىلمىستار 89-دان 152-گە (70,7 پايىز), ماس كۇيىندە قىلمىس جاساۋ 58-دەن 82-گە (41,3 پايىز) جانە بۇرىن سوتتى بولعاندارمەن قىلمىس جاساۋ 11-دەن 2-گە (9,1 پايىز) ءوستى. دەگەنمەن, اۋىر قىلمىستار 56-دان 32-گە نەمەسە 42,8 پايىزعا كەمىدى. ال كىسى ءولتىرۋ 3-تەن 1-گە نەمەسە 66,6 پايىزعا, قورقىتىپ الۋ 4-تەن 2-گە نەمەسە 50 پايىزعا, ەسىرتكى 6-دان 3-كە نەمەسە 50 پايىزعا تومەندەدى.جالپى,ءبىز ءاربىر قىلمىستىڭ ءجىتى تەكسەرىلۋىن باقىلاۋدا ۇستاپ, ازاماتتاردىڭ شاعىمىنا زەيىن قويامىز. وبلىستىق پروكۋراتۋرانىڭ جۇكتەگەن مىندەتى وسىنداي. وسىنىڭ نەگىزىندە جاسىرىلعان قىلمىستار اشكەرەلەندى.
پروكۋرورلىق قاداعالاۋدىڭ كۇشەيتىلۋى ناتيجەسىندە قىلمىستار تۋرالى ارىزدار مەن حابارلامالار بويىنشا دەر كەزىندە شەشىم قابىلداۋ تيىمدىلىگى, ياعني ءۇش تاۋلىكتە شەشىم قابىلداۋ بۇرىڭعىعا قاراعاندا جاقسارا ءتۇستى. مۇنداي جۇيەلى جۇمىس ازاماتتاردىڭ قۇقىقتارىن زاڭ تۇرعىسىنان قورعاۋعا نەگىز قالاپ وتىر.سوزىمىزگە دالەل بولۋ ءۇشىن مىنا وكيعانى ايتا كەتكەن ءجون بولار.اۋداندىق ىشكى ىستەر ءبولىمى كپب-ءنىڭ جەدەل ۋاكىلى ە.ب. دانەكەرلەۋ اپپاراتىنىڭ ۇرلانۋ وقيعاسى بويىنشا قوزعالعان قىلمىستىق ىسكە قاتىسى بار دەگەن سەزىكتىنى تىرەك پۋنكتىندە ەشقانداي حاتتاما تولتىرماي, 3 ساعاتتان ارتىق زاڭسىز ۇستاعان. باستىسى, الدىن الا تەرگەۋ مەن انىقتاۋدىڭ ساپاسىن جاقسارتۋعا باعىتتالعان جۇمىستاردىڭ ناتيجەسىندە اۋداندىق سوتپەن جەكە قاۋلىنىڭ شىعارىلۋى, قىلمىستىق ءىستىڭ پروكۋراتۋرا مەن سوتتان قوسىمشا تەرگەۋگە جولدانۋى ورىن العان جوق. وسى رەتتە, تەرگەۋ مەرزىمى بۇزىلىپ اياقتالعان قىلمىستىق ىستەردىڭ سانى 31,5 پايىزعا (38-دەن 26-عا) ازايتىلعانىن ەسكە سالامىز. سونداي-اق تەرگەۋ وندىرىسىندەگى قىلمىستىق ىستەرگە جازباشا نۇسقاۋ بەرىلىپ, 21 ادام تارتىپتىك جازاعا تارتىلدى.
المات ابدۋللاەۆ,
قىزىلوردا وبلىسى, جاڭاقورعان اۋدانى پروكۋرورىنىڭ اعا كومەكشىسى
