قىزمەتتەردى قر ەڭبەك جانە حالىقتى الەۋمەتتىك قورعاۋ مينيسترلىگى «ۇلتتىق اقپاراتتىق تەحنولوگيالار» اق-مەن بىرلەسىپ جۇزەگە اسىردى.
«مۇگەدەكتىگى بار ادامداردىڭ ءومىر ءسۇرۋ ساپاسىن ارتتىرۋ ماقساتىندا ءبىز ەلەكتروندىق فورماتتا كورسەتىلەتىن مەملەكەتتىك قىزمەتتەردىڭ سانىن بىرتىندەپ كەڭەيتىپ جاتىرمىز. جاڭا تسيفرلىق شەشىم ەرەكشە قاجەتتىلىكتەرى بار ادامدارعا ۇيدەن شىقپاي-اق ونلاين رەجيمدە ۇيدە نەمەسە مەديتسينالىق-الەۋمەتتىك مەكەمەلەردە كۇتىم كورسەتۋ جاعدايىندا ارناۋلى الەۋمەتتىك قىزمەتتەر الۋ ءۇشىن قۇجاتتار رەسىمدەۋگە مۇمكىندىك بەرەدى. پايدالانۋشىلار وزدەرىنە, بالالارىنا نەمەسە قامقورلىعىنداعى بالالارعا قىزمەت كورسەتۋگە تاپسىرىس بەرە الادى», دەدى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ.
قۇجاتتاردى رەسىمدەۋگە ءوتىنىم بەرۋ ءۇشىن ەلەكتروندىق ۇكىمەت پورتالىندا ءتيىستى قىزمەتتى تاڭداۋ, سۇراتىلعان اقپاراتتى تولتىرۋ, قۇجاتتاردى تىركەۋ, ەتسق نەمەسە ءبىر رەتتىك پارول ارقىلى سۇراۋ سالۋعا قول قويۋ قاجەت. سۇراۋ سالۋ ءساتتى وڭدەلگەن سوڭ مەملەكەتتىك ورگاننان جەكە كابينەتكە ءوتىنىمنىڭ ورىندالۋى تۋرالى حابارلاما كەلەدى. پورتالدا قىزمەت كورسەتۋ مەرزىمى ۇيدە كۇتىم كورسەتۋ جاعدايىندا كومەك العىسى كەلەتىن پايدالانۋشىلار ءۇشىن 14 جۇمىس كۇنىن جانە پايدالانۋشى مەديتسينالىق-الەۋمەتتىك مەكەمەلەردە قىزمەت كورسەتۋگە ءوتىنىم بەرسە 17 جۇمىس كۇنىن قۇرايدى.
