ء«بىرىنشى, اكىمدىكتەر بيزنەس سۋبەكتىلەرىنىڭ ۇستەمە اقىلار مەن شەكتى باعالاردان اسىپ كەتۋىنە جول بەرمەۋگە مونيتورينگ پەن باقىلاۋدى كۇشەيتۋدى, سونداي-اق ءوڭىر تۇرعىندارىنا بەلگىلەنگەن شەكتى باعالار تۋرالى حاباردى دەر كەزىندە جەتكىزۋدى تاپسىرۋدى سۇرايمىن», دەدى مينيستر.
ەكىنشى, الەۋمەتتىك-كاسىپكەرلىك كورپوراتسيالار اراسىندا تاۋار جەتكىزۋ جونىندە ناقتى وڭىرارالىق كووپەراتسيانى قامتاماسىز ەتۋ قاجەت. بۇل رەتتە اۋىل شارۋاشىلىعى مينيسترلىگى تۇراقتاندىرۋ قورلارىنا تاۋارلاردى ءوزارا جەتكىزۋدى جۇزەگە اسىرۋعا مۇمكىندىك بەرەتىن ەرەجەلەرگە وزگەرىستەر ەنگىزۋ كەرەك بولادى.
ءۇشىنشى, قىركۇيەك پەن جەلتوقسان ارالىعىندا شەكارالاس ەلدەر تاراپىنان كوكونىسكە دەگەن سۇرانىستىڭ ارتۋى بايقالادى. ءونىمنىڭ باقىلاۋسىز ەلدەن شىعارىلۋى ورىن العان جاعدايدا, وسى تاۋارلار ەكسپورتىن كۆوتالاۋدى ەنگىزۋ قاجەت.
ءتورتىنشى, كوكونىس پەن جەمىس-جيدەك قويمالارىنىڭ فيزيكالىق جانە مورالدىق تۇرعىدان ەسكىرگەنىن ەسكەرە وتىرىپ, ينۆەستيتسيالىق سۋبسيديالاۋ نورماسىن 25%-دان 50%-عا دەيىن ۇلعايتۋ قاجەت. بۇل ۇكىمەتتىڭ كەڭەيتىلگەن وتىرىسىندا مەملەكەت باسشىسى بەرگەن تاپسىرمانى ورىنداۋ اياسىندا قاجەت جانە بيزنەستى ىنتالاندىرۋعا, ەگىندى جەتكىلىكتى مولشەردە ساقتاۋعا جانە باعانىڭ كۇرت كوتەرىلۋىنە جول بەرمەۋگە مۇمكىندىك بەرەدى.
